Luisma Ernandes: "Dinamo" doimo Superligada o'ynashga loyiq jamoa"

O'yin haqida

O'yin juda qiyin bo'ldi. "Dinamo"ni ham tabriklayman, chunki ular o'z muxlislari qarshisida g'alaba qozonishga intilishdi. Bazi qulay vaziyatlarda to'p yo'qotdik, lekin to'psiz vaziyatlarda ham yaxshi xarakat qilib, nihoyat, g'alabaga erishdik. Bugungi o'yin uchun raqib jamoani tabriklayman. Samarqand — o'zgacha shahar. Men xorijlik bo'lishimga qaramay, bu shaharni yoqtiraman. Qolaversa, muxlislarni ham g'alaba bilan tabriklayman. Fikrimcha, "Dinamo" har doim Superligada o'ynashga loyiq jamoa sanaladi.

– Abdumannonov uchrashuvdagi yagona golni urganiga qaramay, uni maydondan erta olib tashlaganingizni sababi nimada?

– Bektemirni almashtirganimga sabab, o'yin shiddatli ketayotgandi, men uni kelgusi bahslarga asrashga qaror qildim. Zaxirada ham yaxshi o'yinchilar bor edi, ularga imkoniyat berdik.

– Superligada qolish masalasi deyarli hal qilindi. Keyingi o'yinlarda zaxira o'yinchilariga imkon berilib, yangi taktik sxemalar sinovdan o'tkaziladimi yoki hozirgi kuch bilan oxirigacha ishtirok etasizlarmi?

– Bugungi g'alaba bizga biroz xotirjamlik berdi. Kelgusi o'yinlarda rotaciya qilishga harakat qilamiz. Bugungi g'alabamizni muxlislarimizga va yana bir nafar maxsus insonga bag'ishlayman.

– "Dinamo"ning birinchi va ikkinchi davradagi o'yinlarini taqqoslay olasizmi?

– "Dinamo" maksimal mehnat qiladigan jamoalardan biri. Oxirgi vaqtlarda o'yinlarining o'xshamasligi, jamoa mag'lubiyatlariga sabab bo'lmoqda. Jamoaning kelgusi o'yinlarida omad tilayman.