Luis Enrikening debyuti omadli chiqdi

Ispaniya chempionati, 1-tur.

"Barselona" – "Elche" 3:0

Kamp Nou stadioni.

Gollar: Messi (42, 63), Munir (46).

"Barselona": Bravo, Alvesh, Mate, Maskerano, Alba, Buskets, Inesta (Serji Roberto, 78), Munir (Pedro, 67), Rakitich, Messi, Rafinya (Bartra, 46).

"Elche": Titon, Albakar, Lomban, Pelegrin, Suares, Garri Rodriges, Pashalich (Adrian Gonsalez, 81), Xose Angel (Alvaro Ximenez, 54), P.Moskera, Koro (Fayr, 66), Jonatas.

Ogohlantirish: Pashalich (55).

CHetlatish: Maskerano (44).

                             MATNLI TRANSLYACIYA
                                       YANGILASH



Etiboringiz uchun tashakkur! Doimo sog'-salomat bo'ling, Aziz futbol muxlislari! Keyingi uchrashuvlarda g'oyibona ko'rishguncha...

UCHRASHUV YAKUNLANDI! "Barselona" muxlislarini omadli start va yirik g'alaba bilan tabriklaymiz!

90+1` Bu o'yinga umuman qo'shimcha daqiqalar qo'shishni ham keragi yo'q edi...

90` Uchrashuvning ikkinchi bo'limiga 3 daqiqa vaqt qo'shib berildi.

89` "Elche" jamoasi Bravo qo'riqlayotgan darvoza tomon birorta ham aniq zarba yo'llay olishmadi.

88` Kechagi uchrashuvda Samarqandning "Dinamo" jamoasining himoyasi ham bugungi "Elche"dan ko'ra, ishonchliroq va mazmunliroq o'yin ko'rsatgandi.

87` Zerikarli kechayotgan o'yinda "Barselona" jamoasi yirik hisobda g'alaba qozonmoqda.

85` O'yin maydon markazidan boshqa hech qaerga ko'chayotgani yo'q...

83` Har ikkala jamoa azolari tezroq o'yin tugashini kutishmoqda.

81` "Elche"da so'nggi o'zgarish ruy berdi. Adrian Gonsalez Pashalich o'rniga tushirildi.

78` "Barselona" sardori Inesta o'rniga Serji Roberto tushirildi.

75` Rakitichning faolligi evaziga tashkil etilgan hujum yakuniga etmay qoldi. Hisob yanada yiriklashib ketishi mumkin edi...

74` Luis Enrike keyingi turdagi raqib haqida o'ylay boshlasa ham bo'ladi...

72` "Elche" himoyasi bugun - juda jirkanch ko'rindi...

69` Bir darvoza oldida - nomli o'yinning 70 daqiqasi boshlanish arafasida...

67` Ikkinchi gol muallifi - Munir o'rniga Pedro tushdi.

66` Korominash o'rniga Fayr tushirildi.

65` Uchrashuv taqdiri hal etildi. Qolgan daqiqalarda "Barselona" qancha gol urishi-yu, "Elche" qancha o'tkazib yuborishi haqidagi savollar ochiq qolmoqda...

63` GOOOOOOOOOOOOOOOOOOOOOOOL! MESSI! Messi raqib jarima maydonchasi ichida sayr uyushtirib, hisobni yiriklashtirdi - 3:0.

61` Bravo o'yinga kirishdi. Aniqrog'i, himoyachilar unga to'pni tashlashdi.

59` "Elche" oldinga bora olmayapti. SHunchaki raqibiga qarshilik ko'rsatishga qurbi etmayapti.

57` "Barselona"ning ketma-ket ikkita xavfli hujumi sarasiz yakunlandi. Bartra qulay vaziyatga chiqib borgandi. Lekin uning zarbasi o'xshamadi. Titon bu vaziyatda aniq harakat qildi.

55` Mario Pashalich ogohlantirildi.

54` "Elche" safiga o'zgarish. Xose Angel o'rniga Alvaro Ximenez tushdi.

51` O'yin tempi tushib ketdi. "Barselona" oldinga borishga shoshilmayapti. Hisob ularni qoniqtiradi. "Elche" esa bir kishi ko'p bo'lib ham raqibiga munosib qarshilik qilishga kuchi etmayapti.

49` Buskets o'z jarima maydonchasi oldida raqiblarini aldab o'tishni o'ziga ep bildi.

48` "Barselona" ikkinchi bo'limni faollik bilan boshladi.

46` GOOOOOOOOOOOOOOOOOOOOOOOL! MUNIR! Rakitichning uzatgan to'pi raqib himoyachiga tegib Munir tomon keldi. Ushbu iqtidor sohibi esa to'pni chiroyli tarzda darvozaga joylab qo'ydi, 2:0.

46` "Barselona" tarkibida o'zgarish: Rafinya o'rniga Bartra maydonga tushirildi.

46` Ikkinchi bo'lim boshlandi!

Birinchi bo'lim tugadi! TANAFFUS!

45` Birinchi bo'limga 2 daqiqa vaqt qo'shib berildi.

45` Jarima to'pidan mehmonlar unumli foydalana olishmadi.

44` CHetlatish! Maskerano maydondan chetlatildi! Rodrigez darvozabon bilan yakkama-yakka ketayotgan bir paytda, Maskerano uni orqasidan chalib qoldi.

43` Messi jarima maydonchasi oldida to'pni qabul qilib oldi va oltita himoyachi orasidan to'pni darvozaga aniq yo'llab, hisobni ochdi.

42` GOOOOOOOOOOOOOOOOOOOOOOOOL! MESSI! Lionel Messi o'z niyatiga erishdi, 1:0!

42` Bravo debyut o'yinida zerikib qolmoqda.

40` Messi Munirga zargarona uzatmani amalga oshirdi. Munir ham jamoadoshiga to'pni uzatmoqchi bo'ldi, ammo uning pasi noaniq chiqdi. Yaxshi hujum uzilib qoldi.

39` "Elche" qarshi hujum taktikasida o'ynamoqda. Lekin ularning qarshi hujumlari boshlanmasidanoq to'xtatilib qolinmoqda. Tezkorlik etishmayapti.

38` Raqib himoyachilari Messini hozircha ishonchli tarzda qo'riqlashmoqda.

36` Leo Messi ajoyib imkoniyatga ega bo'lgandi. Lekin u offsaydda qolib ketdi.

35` Ha aytgancha, "Barselona"ning chililik posboni Bravo ishsiz qolmoqda. Bravo zerikib qolgani aniq.

34` UH! Rakitichning jarima to'pidan uzatib bergan to'pini Dani Alvesh kuchli zarba bilan darvozaga yo'lladi. Lekin to'p mo'ljalga aniq bormadi.

33` Inesta! Ajoyib zarba! "Elche"ning qo'shimcha yordamchisi - darvoza tusini bu safar ham mehmonlar foydasiga xizmat qildi.

31` Rakitichni tepib yiqitishdi. Lekin hakam bu vaziyatda xorvatiyalik futbolchiga qarshi qoida buzilmadi deb topdi.

30` Jeremi Mate yana jonbozlik ko'rsatdi va raqib hujumini bartaraf etishni uddasidan chiqdi.

29` Messi faol. U hozir o'yin qoidasini buzdi.

28` Messi harakat qilmoqda. Lekin raqib himoyachilari uni hozircha zararsizlantira olishmoqda.

27` Jeremi Mate ajoyib harakati bilan raqibdan to'pni olib qo'ydi.

26` "Elche"ning hujumi boshlanayotgan joyda to'xtatildi.

24` Messi ham bir zarba berib qo'raychi deb to'pni tepdi. To'p esa mo'ljalga aniq bormadi.

23` XAVFLI VAZIYAT! Munir! Yosh iqtidor sohibi Munir darvoza tomon kuchli zarba yo'lladi. Lekin bu vaziyatda darvoza tusini "Elche" xizmatiga ishladi.

22` Maskerano jamoasining yangi hujumini boshlab berdi. Rakitich esa hujumni buzib qo'ydi.

20` Jonatas Bravo qo'riqlayotgan darvoza tomon to'pni tepaman deb tribuna tarafni ko'zladi. Xavfli vaziyat, qaysidir futbol muxlisi uchun...

18` Luis Enrike o'z shogirdlariga: "binnima-binnima-binnima" dedi. Ular ham ustozlariga: "binnima-binnima" deb javob qaytarishdi.

17` "Elche" so'nggi daqiqalarda to'pni "qidiruv"ga berdi.

16` Ivan Rakitich uzoq masofadan o'z omadini sinab ko'rmoqchi bo'ldi. Lekin noaniq.

15` "Barselona"ning hujumlari davom etmoqda. Lekin hozircha darvoza tomon aniq zarba berilganicha yo'q.

14` Kutilganidek to'p nazorati mezbonlarda. "Elche" jamoasi raqibidan ancha kuchsiz ekanligini ko'rinib qolmoqda. Lekin kurash olib borish zarar qilmaydi. Aytishadiku, "Maydon tekis, to'p yumaloq" deb. Buyog'ini esa o'yin ko'rsatadi.

13` Dani Alvesh o'yindan tashqari holatda qolib ketdi.

12` Bugun "Barselona" tarkibida Bravo, Mate, Munir va Rakitich kabi futbolchilar debyut qilishmoqda.

10` O'yin tempi yuqori emas. Jamoalar navbatma-navbat hujumga o'tishmoqda. Lekin jarima maydonchasi ichiga yorib kirish hozircha hech bir jamoaga nasib etmayapti.

8` "Barselona" keng maydon bo'ylab hujum tashkil etmoqda.

6` "Barselona" raqibining hujumiga jiddiy javob qaytarmoqchi bo'ldi. Lekin so'nggi soniyada Rafinya to'pni himoyachiga oldirib qo'ydi. Qulay vaziyat boy berildi.

5` "Elche"ning ilk hujumi. Darvoza tomon berilgan zarba mushukning tezligidan ham pas darajada chiqdi.

4` Nihoyat mushukni daf qilishdi. O'yin davom etadi...

3` Qora mushuk maydonda Messidek yugurib yuribdi...

2` Ana bo'lmasam! Qora mushuk Bravo darvozasi oldida izg'ib yuribdi...

1` UCHRASHUV BOSHLANDI! Demak biz boshladik! Har ikkala jamoaga ham omad tilab, chiroyli va shiddatli futbol namoyish etishlarini kutib qolamiz...

Uchrashuv boshlanishiga sanoqli daqiqalar qolmoqda.

Jamoalar maydonga chiqib kelishmoqda.

Nihoyat "Elche" jamoasining asosiy tarkibi ham aniq bo'ldi.

"Barselona" zaxirasi: Masip, Montoyya, Bartra, Pedro, Serxi Roberto, Sandro, Xavi.

Pedro va Xavi zaxirada qoldirildi. Neymar esa jarohati tufayli bugun jamoasiga yordam bera olmaydi. Luis Suarez diskvalifikaciyasini o'tamoqda.

"Barselona" jamoasining boshlang'ich tarkibi malum bo'ldi!

Uchrashuv davomida ushbu sahifani Siz uchun SHahboz Beg'amov "yangilab" boradi.

Assalomu aleykum qadrli futbol ishqibozlari! Bugun Ispaniya chempionatining 1-turidan o'rin olgan "Barselona" - "Elche" o'rtasidagi uchrashuvdan o'z reportajimizni boshlaymiz. Luis Enrike shogirdlari bugun yangi mavsumdagi o'zlarining ilk rasmiy o'yinlarini o'tkazishadi. Saytimiz orqali ushbu bellashuvdan matnli onlayn translyaciyasini amalga oshiramiz.

- O'yin soat 00:00da boshlanadi.