Luis Dias "Luton"ga qarshi o'yindan keyin otasini o'g'irlab ketganlarga murojaat qildi

Futbolchi ota-onasini o'g'irlab ketishganidan keyin ilk bor maydonga tushdi. Diasning onasi 29 oktyabr kuni ozod etilgandi.

Aynan Luis 90+5-daqiqada "Liverpul"ni qutqaruvchi golga mualliflik qildi va futbolkasi ostidagi yozuvni ko'rsatdi: "Libertad para papa" (otamga ozodlik).

"Bugun siz bilan futbolchi gaplashmayapti. Bugun sizlar bilan Luis Manuel Diasning o'g'li Luis Dias gaplashyapti. Mane, mening otam, tinim bilmaydigan mehnatkash inson, oilamiz ustuni va uni o'g'irlab ketishdi. Men MOA (Milliy ozodlik armiyasi)dan otamni ozod qilishlarini so'rayman va bu yo'lda xalqaro tashkilotlarni birgalikda harakat qilishga chaqiraman. Har daqiqa, har soniya bizning azoblarimiz ortib bormoqda. Onam, aka-ukalarim va men juda yomon ahvoldamiz hamda hozir his qilayotganlarimizni so'z bilan ifodalay olmaymiz. Bularning barchasi otamni uyga qaytarganimizdan keyingina o'z o'rniga tushadi.