Lui van Gal "Vest Bromvich"ga qarshi o'yindan oldin matbuot-anjumanida

- Bundan oldingi matbuot-anjumanida "Vest Bromvich" murabbiyi Toni Pyulis sizning jamoangiz kelasi mavsumda chempionlik uchun kurashadi deb aytdi. Bu to'g'rimi?

- "Manchester Yunayted" maslahat kengashi bu vazifani uddalashim uchun 3 yil muddat berishgan. Pyulisning gaplari to'g'ri.

- CHempionlik poygasida kelasi mavsum ishtirok etishingizga ishonchingiz komilmi?

- Bu mavsum chempionlik uchun kurashmaymiz, ammo ikkinchi o'rinni egallashimiz mumkin. "CHelsi" boshqa klublardan ancha o'zib ketgan, lekin kelasi mavsumda hammasi boshqacha bo'lishi mumkin. Keyingi yil bizda umuman boshqa jamoa bo'ladi.

- Kamchiliklar juda ko'p emasmi. Bu muammolarni bir yil ichida hal bo'lishiga ishonasizmi?

- Top-klublarga qarshi o'yinlarimizni ko'rdingiz. Ular bilan deyarli teng o'yin ko'rsatyapmiz.

- Jamoaning kamchiliklarini yo'qotish uchun ko'proq qaysi jihatga etibor bermoqchisiz? Transer oynasida faollikkami, murabbiyning futbolchilar bilan ko'proq ishlashigami yoki futbolchilar tahliligami?

- Bizga muvozanat kerak. Bu haqida juda ko'p gapirganman. Bunga qo'shimcha ravishda mavsum oldi tayyorgarlik ham muhim. AQSHda ikkita baza bor, demak o'yinlarga samolyotda uchmaymiz, avtobusda boramiz. "Manchester Yunayted" rahbarlari mening takliflarimni qabul qilishdi. Tayyorgarlik yaxshiroq bo'ladi. Joriy mavsumni yomon boshlagan edik. Musobaqaning birinchi uchrashuvlarini hisobga olmasak, jamoa "CHelsi" bilan deyarli teng ochko yig'di. Ammo keyingi safar mavsumni yaxshiroq boshlaymiz. Hozir yangi mavsumga tayyorgarlik haqida o'ylayapman. Bu yildagidan ko'ra yaxshiroq natija qayd etishimiz lozim.

- Bu mavsumda sizga jarohatlar ham halaqit qildi. Jarohatlar soni 68ta ekan. Bu juda ko'pku. Yana bunday bo'lmasligiga ishonasizmi?

- Omadsizligimizning bir nechta sababi bor va ular ichiga futbolchilarimizning jarohati ham kiradi. Mavsumning ikkinchi qisida jarohatlar kam bo'ldi va biz ko'p ochko to'play oldik. Ammo bu natijani ham yaxshilasa bo'ladi. Jarohatlar - ishimizning bir qismi hisoblanadi. Futbol - bu kurash, kurash jarohatlarsiz bo'lmaydi.

- So'nggi uchrashuvni tahlil qildingizmi? "Everton"ga qarshi o'yin tasodif bo'lganini va bu hol qayta takrorlanmaydi deya olasizmi?

- Men 25 yildan ortiq vaqt davomida murabbiy bo'lib ishlayapman va o'yindan keyin ham bu voqea birinchi marta bo'lganini takidlagan edim. Bundanda ko'p mag'lubiyatlarga ega mavsumlarni ko'rganman. Seni doimo raqib bilan solishtirishadi. Sen ham ular kabi bor kuching bilan harakat qilishing lozim. Aks holda sen omadsizga aylanasan. "Vest Bromvich"ga qarshi o'yinda bu takrorlanmasligiga umid qilaman.

- Murabbiy, siz "Yunayted"ga o'yin bermaydigan, himoyada harakat qiladigan jamoalardan xavfsirashingizni aytgansiz? Bu siz uchun muammomi?

- Ha, bu doimo muammo bo'lib kelgan. "Everton"ga qarshi juda yaxshi o'yin ko'rsatdik. Himoya va hujumda futbolchilarimiz o'z o'yinini ko'rsatdi. Himoyalanadigan jamoa bilan o'yinda to'pga 63% egalik qildik. Ammo futbolchilarimiz orasidagi masofa har doimgidan katta bo'ldi. Biz ko'proq raqib maydonida bo'ldik va bu narsa futbolchilarimizning o'sganiga yana bir isbotdir. SHu ruhda davom etishimiz kerak. "Everton" bilan o'yinda hakam birinchi gol urilishidan oldin Valensiya yiqitilganda o'yinni to'xtatishi kerak edi.

- Janob murabbiy, Ueyn ertaga o'ynay oladimi? Boshqa jarohatlanganlar ham bormi?

- Runi o'ynashga tayyor. Jarohat biz o'ylaganimizdanda engilroq ekan. SHou va Evansda jarohat bor.