“Lokomotiv”dan mavsum sarhisobi: Kim nechta gol urdi?

Jamoa ham chempionatda, ham kubok bahslarida zafar quchib, ichki maydonda oltin dubl qayd etdi. Qolaversa, “Temiryo'lchilar” Osiyo CHempionlar Ligasida ham chorak finalga qadar etib borib, yurtimizdagi minglab futbol ishqibozlarini chiroyli g'alabalar bilan xushnud etdi.

Mana bir necha kundan buyon klub rasmiy saytida mavsum yakunlarini etiboringizga havola etib bormoqdamiz. Bu safar mavsum davomida eng ko'p gol urganlar haqida malumot berib o'tamiz.

SHu o'rinda alohida qayd etish joizki, 2016 yilgi mavsum Temurxo'ja Abduxoliqovniki bo'ldi, desak xato bo'lmasa kerak. Zero mahoratli hujumchi yil davomida uchala turnirda ham tez-tez gol kiritib turdi va yakunda jamoa to'purari nomini qo'lga kiritdi. Temurxo'ja Oliy Ligada 22ta gol urgan bo'lsa, kubok bahslarida 6 marta raqiblari darvozasini ishg'ol qildi. CHempionlar Ligasida esa Abduxoliqov 3 bor o'z nomini tabloga yozdirib qo'ydi. SHu tariqa, jamoamiz ishqibozlarining sevimli o'yinchisiga aylangan Temurxo'ja Abduxoliqov 2016 yilda jami 31ta gol kiritishga erishdi.

“Lokomotiv”ning ikkinchi to'purari esa tajribali yarim himoyachi – Sardor Mirzaev bo'ldi. U Oliy Ligada 13ta, kubokda 3ta va OCHLda 2ta gol urdi. Marat Bikmaev esa ichki chempionatda 13 marta va xalqaro maydonda 1 bora raqiblar darvozabonlarini hafa qildi.



Umuman olganda, “Lokomotiv” futbolchilari joriy mavsumda 3 ta musobaqada jami 106ta gol urishni uddalashdi.