"Lokomotiv": Yurak kasali bilan og'rigan bolakay tarbiyalanuvchilarimiz bilan futbol o'ynadi

Akciya davomida o'zbek futboli yulduzlari ishtirokida shou-uchrashuv ham o'tkazildi. 2009 yilda tug'ilgan Hasanjon bungacha bir marta yurak operaciyasini boshidan o'tkazgan. Endi bo'lsa 2 yanvar kuni otasi bilan Hindistonga jo'nab ketadi va u erda yana bir bor operaciya qilinadi.

Bugun Hasanjonning otasi Ergashev Olimjon aka o'g'lini Labzakdagi suniy maydonga olib keldi va “Lokomotiv”ning 2006 yilda tug'ilgan tarbiyalanuvchilari bilan futbol o'ynattirdi. Bundan yosh bolakayning o'zi ham nihoyatda xursand bo'ldi. O'yin oxirida “Lokomotiv” bolalar va o'smirlar futbol maktabi direktori Erkin Saidov Hasanjonga futbol to'pi va kelajakda tezroq tuzalib yaxshi futbolchi bo'lsin degan maqsadda oltin medal hadya qildi. Bundan tashqari, futbolchi-murabbiylar hamda ota-onalar Hasanjon bilan esdalik suratga tushishdi.

Tadbir yakunida Hasanjonning otasi Olimjon aka quyidagi fikrlarni bildirdi: “Lokomotiv” futbol klubiga katta rahmat. Ayniqsa, bizga yaxshi etibor bergan To'labek Akramovga alohida minnatdorchilik bildiraman. Nasib qilsa, 2 yanvar kuni Hindistonga uchib ketamiz va u erda o'g'lim yana bir marta operaciya qilinadi. O'g'lim tez orada tuo'zalib ketadi degan umiddaman, hozir yurak urishi yaxshi, biroq juda tez toliqib qolyapti. To'g'risini aytsam, o'zim ham futbolga qiziqaman va “Lokomotiv” jamoasiga muxlislik qilaman. Niyatim, “Lokomotiv” kelasi mavsum O'zbekiston chempioni bo'lsin, Osiyo chempionlar ligasida g'alaba qozonsin. Biz oilamiz bilan Toshkent viloyati, Parkent tumanida istiqomat qilamiz. O'zim oddiy haydovchiman. Oramizda shunday yaxshi insonlar borligidan juda quvondim”.