"Lokomotiv" raqibi mag'lubiyatga uchradi

Qizg'in kechgan o'yinda “temiryo'lchilar” raqibi 1:2 hisobida mag'lub bo'lishdi. Aytib o'tish joiz jamoaning ikki asosiy o'yinchisi Ali Asad va Ibrohim Majid jarohati tufayli uchrashuvni o'tkazib yuborishgan.

Bosh murabbiy, Vadim Abramov mazkur o'yinni stadiondan tomosha qilib, kerakli xulosalar chiqardi va jamoaga o'z ko'rsatmalarini berdi.

“Al-Cadd” futbolchilari juda tezkor, ayniqsa maydon markazida. Yagona nominal hujumchi bilan o'ynasada, ikki yarim himoyachisi maydon markazidan juda tezkorlik bilan hujumga o'tib ketish qobiliyatiga ega. SHunga qarab biz markaziy chizig'imizni mustahkamlashga harakat qilamiz”, - deydi Abramov, o'z taassurotlari bilan ulashib.

Aytib o'tish joiz, hozirgi kunda raqiblarimiz o'z chempionati taqvimida 2 o'rinda ketmoqda va o'tgan yilgi chempion “Lahviya”dan mazkur mag'lubiyatdan so'ng ancha qolib ketti.

O'ylaymizki raqiblarimizning bu mag'lubiyati Lokomotivga qo'l keladi va jamoamiz yuqori pressing qo'llab, OCHL dagi ilk g'alabasini nishonlaydi.

Ertaga, 16 mart kuni, ikki klub ishtirokida o'yin oldi matbuot anjumani bo'lib o'tadi va futbolchilar qanday kiyimda maydonga tushishi aniqlanadi. Tafsilotlarni saytimizda kutib qoling.