“Lokomotiv” finalga qadar qanday yo'lni bosib o'tdi?

Finalda “Temiryo'lchilar”dan Qarshining “Nasaf” jamoasi qarshiligini engish talab etiladi. Xo'sh, “Lokomotiv” finalga qadar qanday yo'lni bosib o'tdi? Bugun shu haqida malumot berib o'tamiz.

“Lokomotiv” O'zbekiston kubogi-2016dagi ishtirokini 1/8 finaldan boshladi. Jamoaga bu bosqichda Andijonning “Uz-Dong-Ju” klubi to'qnash keldi. “Bo'yoqchilar” jamoasi ikki o'yin natijasiga ko'ra 13:1 hisobida taslim etildi. 1/4 finalda esa “Lokomotiv” Muborakning Mashal” klubi qarshiligini engishiga to'g'ri keldi. Dastlabki o'yinda “Lokomotiv” futbolchilari safarda 4:1 hisobida zafar quchishgan bo'lsa, uydagi bahsda 1:2 hisobida imkoniyat boy berib qo'yildi. Lekin umumiy hisobda “Loko” raqibdan ustun keldi va yarim finalga yo'l oldi.

Yarim final bosqichida mamlakatimizning vice-chempioni – “Bunyodkor” dog'da qoldirildi. Har ikki uchrashuvda ham kichik hisobda g'alabaga erishgan “Temiryo'lchilar” billur sovrin uchun kurashni davom ettiradigan bo'lishdi.
 

“Lokomotiv”ning finalga qadar bosib o'tgan yo'li:

1/8 final
Uz-Dong-Ju (Andijon) 1:4 Lokomotiv (Toshkent)

Lokomotiv (Toshkent) 9:0  Uz-Dong-Ju (Andijon)

1/4 final
Mashal (Muborak) 1:4 Lokomotiv (Toshkent)

Lokomotiv (Toshkent) 1:2  Mashal (Muborak)

1/2 final

Lokomotiv  (Toshkent) 1:0 Bunyodkor (Toshkent)

Bunyodkor  (Toshkent) 0:1 Lokomotiv (Toshkent)


Ana endi oldinda bizni final bellashuvi kutib turibdi. O'yin 30 noyabr kuni Samarqanddagi “Dinamo” stadionida bo'lib o'tadi va soat 13:00da boshlanadi.

Takidlash joizki, “Temiryo'lchilar” o'z tarixida ikkinchi marta O'zbekiston kubogi finalida o'ynaydigan bo'lishdi. O'tgan galgi urinishda “Loko” futbolchilari kubokni boshlari uzra baland ko'tarishgan edi. Umid qilamizki, ikkinchi final ham biz uchun omadli bo'ladi.