“Liverpul” Ruis uchun kurashga qo'shildi

“Napoli” bilan shartnomasini uzaytirishga shoshilmayotgan Fabian Ruis uchun kurashga Yurgen Klopp jamoasi ham qo'shildi. Ispaniyalik 23 yoshli yarim himoyachining xizmatlariga “Real”, “Barselona”dan ham jiddiy qiziqish bor. Uning transferi 80 mln evroga baholanmoqda. Futbolchi joriy mavsum “Napoli” safida 32 ta o'yin o'tkazib, 3 ta gol urdi va 2 ta golli uzatma berdi.

Ruisning klub bilan shartnomasi 2023 yil yozida yakuniga etadi.

“Napoli” Fabianni 2018 yil iyulida 30 mln evro evaziga “Betis”dan sotib olgandi.