Levchenko: "Nega g'alabani muxlislar bilan nishonlamayman? Barchasi o'yindagi asab va ruhiy charchoq sabab"

O'yin haqida

- O'yin qiyin bo'ldi. Uchrashuvni ajoyib boshladik va gol urdik. Afsuski, keyin tezda gol o'tkazib yubordik. Shundan so'ng to'p maydon markazida bo'lmadi. Har ikki jamoa ham gol urishi mumkin edi. Bugungi g'alaba bilan tabriklayman. Shuningdek, bugun tug'ilgan kunini nishonlayotgan jamoamizning bosh direktorini ham tabriklab qolaman.

- O'yin ajoyib bo'ldi, biroq muxlislarni bir savol qiziqtirmoqda. Nima uchun jamoa g'alaba qozonganidan so'ng jamoa bosh murabbiyi muxlislar oldiga kelib, g'alabani nishonlamayapti?

- Bu muxlislar bilan bog'liq sabab emas. O'yin davomida biz juda qattiq hayajonda va asabda o'tiramiz. Men yana bir bor aytaman. Biz faqatgina muxlislar uchun o'ynaymiz. Bu g'alaba ularga bag'ishlanadi. Ular biz uchun doim qayg'urishadi. Shu sababli, ular mendan hafa bo'lmasliklarini so'rab qolaman. O'yin davomida juda ko'p ruhiy charchoq bo'lganidan so'ng bahs yakunidan so'ng tezda tinchroq joyga boraman.

- Ilk turda ham, uyda ham "Dinamo" mag'lub etildi. Shu haqda nima deya olasiz?

- Hozirda o'yinni chuqur tahlil qilish emas, balki normal psixologik holatga kelib olish kerak. Ikki jamoa ham bir-birining kuchli jihatlarini o'rgandi. Aytgancha, raqib bitta ajoyib qarshi hujumni uyushtirdi va himoyamizni yorib o'tdi, shunday ekan biz ishlashimiz kerak bo'lgan jihatlar bor.

- Tarmoqlarda "Aziya Sport" deb nomlangan sahifa bor. Unda Tojikiston uchun eng yaxshi murabbiy tanlash bo'yicha so'rovnoma o'tkazildi va unda 64% ovoz oldingiz. Siz Tojikistondagi eng zo'r murabbiymisiz?

- U erda shunday lavozimda ishlayotgan va ajoyib natijalarga erishgan hamkasblarim bor. Ular o'smirlar terma jamoasi bilan JCHga yo'l olishdi. Muxlislarning qo'llovi sabab shunday ovoz berish jarayoni bo'lgan, ammo u erda munosib murabbiylar bor. Boshqa tomondan, muxlislar va jurnalistlar sening nomzodingni tanlagan holda qo'llab-quvvatlashi yoqimli.

- Bugun hujumda yosh Shaxzod Nematjonovga ishonch bildirdingiz. U qanchalik sizning umidingizni oqladi?

- O'yinni kuchaytirdi. Aynan u orqali golli hujum boshlandi. Nematjonov ishonchni oqladi. U bundan buyog'iga ham ishlab, rivojlanishi kerak, aynan shu sabab uni jamoaga olganmiz.