Lester shahri chempionlikka taraddud ko'rmoqda

Ayni damda "tulkilar" Premer-liga turnir jadvalida peshqadamlik qilmoqda va agarda ular "Old Trafford"da "Manchester Yunayted"ni mag'lub eta olishsa Angliya chempioniga aylanishadi.

"DailyMail"ning xabar qilishicha, shu kunlarda Lester shahrida chempionlikka tayyorgarlik ko'rilmoqda. SHahar markazidagi binoda jamoa to'purari Jeymi Vardi va joriy mavsumning eng yaxshi futbolchisi Riyad Marezlarning surati namoyish etilmoqda.

SHahar meriyasi, cherkov va boshqa binolarga chiroqlar yordamida ko'k rang tushirilyapti.

Qirol Richard III haykaliga "Lester Siti" sharfi bog'langan.

"Xayrli tong, Britaniya" ko'rsatuvi boshlovchilari Ben SHepard va Keyt Garrevey juma kungi dasturda "Lester Siti"ni qo'llab, "tulkilar" rangidagi maxsus parikda ko'rsatuvni olib borishdi.

Oldinroq Lester meri shahar ko'chalarini klub futbolchilari nomi bilan atamoqchi ekanligini elon qilgan edi.