Англия терма жамоаси ва "Челси" жамоалари собиқ футболчиси Фрэнк Лэмпард "Челси"га бош мураббий бўлиши мумкин.
Бу ҳақда италиялик Жанлука Ди Марцио хабар бермоқда. "Италиялик мутахассис 14 июнда "Ювентус" бош мураббийи этиб тайинланиши керак. Унинг ўрнини Фрэнк Лэмпард эгаллайди. Клуб ва футболчи аллақачон музокараларни бошлаб юборишган" - дейилади манбада.
Фрэнк Лэмпард "Дерби Каунти" билан Чемпионшипда 6-ўринни эгаллади. Ўз ўрнида Сарри "Челси" билан Премьер-лигада 3-ўринни қўлга киритди. Шунингдек, жамоа Европа Лигаси ғолибига айланди.
