La Liga. Madrid derbisida "Atletiko" "Real"ni mag'lub etdi

"Atletiko" – "Real Madrid" 3:1

Gollar: 1:0 – 4 Morata, 2:0 – 18 Grizmann, 2:1 – 35 Kroos, 3:1 – 46 Morata.

Atletiko – Oblak, Molina (Aspilikueta, 65), Savich, Ximenes (Korrea, 86), Ermoso, Koke (Vitcel, 46), Saul, Lorente, Lino (Galan, 87), Grizmann, Morata (Depay, 82).

Real Madrid – Arrisabalaga, Alaba, Ryudiger, Fran Garsiya (Mendi, 57), Valverde, Kroos (Braim Dias, 70), Modrich (Xoselu, 46), Kamavinga (Tchuameni, 57), Vaskes (Nacho, 57), Bellingem, Rodrigo.

Ogohlantirishlar: Modrich (45), Ximenes (45), Mendi (67), Bellingem (90).

MATNLI TRANSLYACIYA

YANGILASH

Uchrashuv yakunlandi.

90+3. Depay tomonidan yo'llangan zarba biroz noaniq ko'rinish oldi.

90. Ikkinchi bo'limga 6 daqiqa qo'shib berildi.

86. "Atletiko" tarkibida yana ikki o'zgarish sodir bo'ldi.

82. Depay Morata o'rniga uchrashuvni yakunlab qo'yadigan bo'ldi.

78. Diasning zarbasidan so'ng Oblak seyv amalga oshirdi.

75. Mendining uzatma aralash zarbasi ko'ngildagidek chiqmadi.

70. Ryudiger olisdan o'z omadini sinab ko'rdi, uning urinishi ham Tchuameninikiga o'xshab ketdi.

67. Mendi raqibga nisbatan qo'pol o'ynagani uchun sariq kartochka bilan jazolandi.

64. Tchuamening olisdan yo'llagan zarbasiga biroz aniqlik etishmadi.

62. Rodrigodan xavfli zarba, ammo Savich to'p yo'liga to'g'anoq bo'ldi.

57. "Real" birato'la uchta o'zgarishga qo'l urdi.

54. "Atletiko"dan yana bosh bilan zarba! To'p darvoza to'siniga tegib, maydonni tark etdi. 

50. Alabaning burchakdan uzatmasi yuqoriga keragicha ko'tarilmadi, shu bois mezbonlar osonlik bilan to'pni qaytardi.

46. GOL! Morata "Atletiko"ning birinchi golini ko'rolmay qolganlar uchun takroriy ijro namoyish etdi va bosh bilan raqib darvozasiga to'p kiritdi!

46. Ikkinchi bo'lim boshlandi. Birinchi bo'limni ko'ngildagidek o'tkaza olmagan, ustiga-ustak hakam tomonidan ogohlantirilgan Modrich zaxiraga olindi. Uning o'rniga hujumchi Xoselu tushirildi. O'z navbatida, "Atletiko"da ham almashtirish: Vitsel Kokega dam berdi. 

Birinchi bo'lim yakunlandi.

45. Birinchi bo'limga 4 daqiqa qo'shib berildi. Rodrigoga nisbatan qo'pollik ishlatgan Ximenes ogohlantirildi.

44. "Real" hisobni tenglashtirdi, ammo hakam o'yindan tashqari holat qayd etilganini malum qildi. Hakamning qaroriga qo'shilmagan Modrichga sariq kartochka ko'rsatildi.

40. Kroosdan yana bir zarba, bu safar Oblak hushyorlikni yo'qotmadi.

35. GOL! Kroosdan supergol! Germaniyalik yarim himoyachi raqib jarima maydonidan qaytgan to'pni o'ziga qulay tarzda to'g'rilab oldi va Oblak darvozasining pastki burchagini aniq nishonga oldi!

33. Rodrigo "Atletiko" jarima maydonida raqib himoyachilarini aldab o'tayotgan chog'da yiqitildi, biroq hakam o'yin qoidasi buzilmaganini takidladi.

31. Kepa raqibning tezkor hujumi natijasida yo'llangan zarbani qaytardi.

30. Kamavinganing zarbasi rekoshet orqali raqib darvozasiga kirib ketishiga bir bahya qoldi. Burchak to'pidan keyin esa Valverdi ham zarba yo'lladi, ammo Oblak to'pni egallab oldi.

28. "Atletiko" uchinchi golni urishga yaqin keldi, ammo so'nggi lahzada Vaskes xavfni bartaraf etdi.

26. Mehmonlar Bellingemni oldinga boshlashdi, biroq u tomon uzatma aniq etib bormadi.

22. Modrich burchak zarbasidan so'ng uzatma amalga oshirdi, biroq raqib himoyachilari qaytardi. Qaytgan to'pga xorvatiyalik yarim himoyachi zarba yo'lladi, biroq uning urinishiga aniqlik etishmadi.

18. GOL! Bu safar Grizmann bosh bilan "Real" darvozasini ishg'ol qildi! Qanotdan uzatigan to'pni kutib turgan franciyalik futbolchi ochiq qoldirildi va u hisobdagi farqni oshirdi.

15. Alabaning jarimadan yo'llagan zarbasi "jonli devor"ga tegib, maydonni tark etdi.

14. Ermoso o'z jarima maydoniga yaqin nuqtada Kamavingani to'xtatib qoldi. "Real"da qulay standart yuzaga keldi.

10. Burchak to'pidan so'ng Ximenesning bosh bilan yo'llagan zarbasiga biroz aniqlik etishmadi. Madridliklar himoyasi negadir sust, ayniqsa, ikkinchi qavatda. 

9. "Atletiko"ning yana bir tezkor qarshi hujumi burchak zarbasi ishlanishi bilan yakunlandi.

8. Fran Garsiya chap qanotdan uzatma amalga oshirishda o'ta noaniqliqlikka yo'l qo'ydi, natijada mehmonlarning hujumi erta yakunlandi.

4. GOL! Morata qanotdan uzatilgan to'pni bosh bilan "Real" darvozasiga joylab qo'ydi!

2. Fran Garsiya "Atletiko"ning ilk hujumini bartaraf etdi. Burchakdan uzatilgan to'p ham "qaymoqranglilar" tomonidan qaytarildi.

1. Uchrashuv boshlandi.

Assalomu alaykum, qadrli futbol ixlosmandlari! Yakshanba oqshomini bezab beradigan Madrid derbisi guvohiga aylanamiz.