Kuchli-beshlikdagi ochko bo'lishishni yoqtiradigan jamoalar

Ispaniya La ligasi: "Deportivo" (17 durang)

Ispaniya chempionatida hozirga qadar o'tkazilgan 34 o'yinning teng yarmini raqiblari bilan ochko bo'lishgan "Deportivo" turnir jadvalida 14-o'rinda bormoqda. Ular shuningdek 7 g'alaba va 10 mag'lubiyatga ega.

Franciya chempionati: "Marsel" (16 durang)

"Marsel" Franciya chempionatida ushbu mavsumni juda yomon o'tkazmoqda. Ular o'tkazilgan 34 o'yindan atiga 8 tasida g'alaba qozonishgan va 10 marotaba mag'lubiyatga uchrashgan. Qolgan 16 o'yinda esa maydonni raqiblari bilan birgalikda bir ochko ishlab tark etishgan.


Angliya premer ligasi: "Vest Xem" va "Everton" (14 durang)

Angliya premer ligasida hozirga qadar ikkita jamoa boshqalardan ko'ra ko'proq durang natijasini qayd etgan. "Vest Xem" 34 o'yindan 14 uchrashuvni bir ochko  bilan yakunlagan va turnir jadvalida 6-o'rinda bormoqda.
SHuningdek, "Everton" jamoasi ham 14 marotaba raqiblari bilan bir ochko bo'lishib olgan. Ular chempionatda hozircha 11-pog'onada borishmoqda.


Italiya A Seriyasi: "Sassuolo" hamda "Verona" (13 durang)


Italiya chempionatida "Sassuolo" jamoasi 34 o'yindan 13 uchrashuvni bir ochko bilan yakunlagan. Bu jamoa 12ta bahsni o'z foydasiga hal etgan va 9 bellashuvni mag'lubiyat bilan tugatgan. "Sassuolo" turnir jadvalida 7-o'rinni band etib turibdi.
"Verona" jamoasi ham durang o'ynash bobida "Sassuolo"dan qolishayotgani yo'q. Ularning hisobida ham 13 durang mavjud. Faqatgina "Verona" "Sassuolo"dan farqli ravishda turnir jadvalida quyi o'rinni egallab turibdi. Bu jamoa chempionatdagi aksariyat ochkolarini aynan duranglari orqali ishlab olgan. Ular faqatgina 3 uchrashuvda g'alaba qozonishgan va 18 bahsni ochkosiz yakunlashgan. "Verona" katta ehtimol bilan ushbu mavsumda A Seriyadan tushib ketadi.

Germaniya Bundesligasi: "Darmshtadt" (11 durang)

Bundesligada jamoalar ko'p ham durang o'ynashni yaxshi ko'rishmaydi. Buni qolgan chempionatlardagi eng ko'p durang qayd etgan jamoalarning farqi bilan ham bilsa bo'ladi. Germaniya chempionatidagi o'tkazilgan 30 uchrashuvdan 11 marotaba durangga erishgan yagona klub bu "Darmshtadt" sanaladi. Ushbu jamoa turnir jadvalida ham mos ravishda 11-pog'onada bormoqda. Ular xattoki mag'lubiyatlar soni bo'yicha ham bir tekislikni buzishgani yo'q - 11. Faqatgina bu jamoa g'alabalar soni bo'yicha qolgan ko'rsatichlari nisbatiga ko'ra biroz past. Ular hozircha 8 o'yinda g'alaba nashidasini surishgan.