Kruif Lyudviyk Darius: “O'zbekistonda ishlasam o'zimni baxtli his qilardim”

“Birinchi o'rinda O'zbekistonni maqtab o'tishim kerak. Bu fantastik va kuchli futbolchilarga ega jamoa. Agar joningga qasd qilmoqchi bo'lsangiz bunday jamoalarga qarshi hujumda o'ynash kerak. Ilk taymda hayajonni engib ota olmadik va mag'lub bo'ldik. Ikkinchi taymda O'zbekiston o'ynamadi bu bizga qo'l keldi. O'zbekiston bizdan bir emas uch kalla baland. Bunday o'yindan biz dars oldik. Biz kabi o'sayotgan davlatlar uchun yaxshi master klass edi. Yana bir bor hamkasbimni ajoyib o'yin bilan tabriklayman. Afsuski o'yinda biron marotaba ham hujum uyushtira olmadik", - deydi Kruif Lyudviyk Darius.

- Dastlabki gol o'yinchilaringiz ishonchini sindirib yubordimi?
- Birinchi golda biz konsentranciyani yo'qotdik. Uch nafar shogirdim maydonga yotib qolgan futbolchiga qarab qoldi. Ayb o'zimizda futbol xushtak chalinguniga qadar o'ynaladi. Bunaqa jamoaga qarshi 100 foiz konsentraciya bilan tushish kerak. O'zbekistondan o'rganadigan narsalarimiz ko'p ekan. Bu jamoa osiyida uchinchi o'rinda turadi. Men bunday jamoada ishlasam o'zimni baxtli his qilgan bo'lardim.

- Keyingi o'yin haqida nima deya olasiz?
- O'zbekiston Afg'onistonni aniq yutadi, biz esa Gonkongga qarshi hujumkor o'yin qilamiz. Bu uch ochko biz uchun muhim. Bugun futbolchilarimga kiyinish xonasida ulardan O'zbekistonga qarshi turib berganliklariga rahmat aytdim. Keyingi o'yinga borimizni bersak g'alaba qozona olamiz.

- Hamma gollar bitta qanotdan kirdi 15 daqiqa ichida hal bo'ldi. O'ng qanotingiz shu qadar kuchsizmi yoki O'zbekistonniki kuchli?
- Hamma ayb o'zimizda. Himoyachi va darvozabon o'rtasida tushunmovchilik bo'ldi.


Nodirxo'ja Yuldashev
Incheon