Kroos Medialigani ishga tushirdi, ishtirokchilar orasida o'nlab futbol yulduzlari bor
07 avg 2024 17:38
Yangiliklar

Kroos Medialigani ishga tushirdi, ishtirokchilar orasida o'nlab futbol yulduzlari bor

Germaniya sobiq futbolchisi Toni Kroos EA Sports FC EliasN97 o'yinchisi bilan birgalikda Germaniyada Medialigani yo'lga qo'ydi.

Bu haqda "Marca" nashri xabar berdi.

Manbaga ko'ra, ushbu musobaqada "Edmonton"ning amaldagi xokkeychisi Leon Drayzaytl, "Real" himoyachilari David Alaba va Antonio Ryudiger, "Bavariya" futbolchisi Alfonso Devis, Frank Riberi, Klaudio Pisarro hamda boshqa bir qancha hozirgi va sobiq futbol yulduzlari boshchiligidagi 14 jamoa ishtirok etadi.

Kroos Medialigasining birinchi turi 1 sentyabr kuni bo'lib o'tadi va Kyolndagi 18,5 mingga yaqin tomoshabinga mo'ljallangan arenada o'tkaziladi. Germaniyada boshqa Medialiga ham mavjud bo'lib, uning asoschilari mahalliy terma jamoaning sobiq futbolchilari Mats Xummels va Lukas Podolskidir.

Havola :

Manba : Marca

Yangiliklarni Telegramda o'qing!

Reyting: +3