Kristian Gross: “Bu erga g'alaba uchun keldik"
23 apr 2017 13:33
Yangiliklar

Kristian Gross: “Bu erga g'alaba uchun keldik"

OCHL 5-turi doirasidagi "Bunyodkor" - "Al Ahli" (Saudiya Arabistoni) o'rtasidagi o'yindan oldingi matbuot anjumanida mehmonlar ustozi Kristian Gross o'z fikrlarini bildirdi.

Ertangi o'yin biz uchun juda muhim. Guruh bosqichi yakuniga etmoqda. Raqib guruhda qolib ketgan bo'lsada, juda kuchli jamoa hisoblanadi. Bu erga g'alaba uchun keldik, - deydi Kristian Gross.

- Milliy birinchilik yakunlandi. Jamoaning navbatdagi maqsadlari qanday?

- CHempionlar ligasi barcha qitalarda eng nufuzli turnir hisoblanadi. Jamoamiz muxlislarini xursand qilish uchun ushbu musobaqada uzoqroqqa borishga harakat qilamiz.

- Milliy chempionat va CHempionlar ligasidagi o'yinlarda farq bormi?

- Saudiya Arabistoni chempionatida jamoalar deyarli bir saviyada. CHempionlar ligasida esa raqiblar turlicha va o'ynash ham qiyin.

- "Bunyodkor" safida alohida futbolchini ajratib ko'rsata olasizmi?

- Yo'q. Raqibimiz jamoaviy o'yinda kuchli.