Koutino "Liverpul" bilan shartnomasini 2020 yilgacha uzaytirdi

"Liverpul" yarim himoyachisi Filippe Koutino "mersisayd" klubi bilan 2020 yil yoziga qadar shartnoma tuzdi.

"Qizillar" 2 yil oldin Filipeni "Inter"dan 8.5 million funt evaziga sotib olishgandi. Koutino darhol Brendan Rodjers jamoasida o'ynab ketgandi.

Bu mavsumda Koutino yangi darajaga chiqdi. Aynan 22 yoshli futbolchi tufayli "Liverpul" so'nggi oydagi yaxshi natijalarni qo'lga kiritmoqda.

Liverpool Echo nashrining xabariga ko'ra, Koutino yangi shartnoma borasida kelishib olgan.

Bu xabarga "qizillar" bosh murabbiyi Brendan Rojers izoh berdi.

"Vest Xem"ga qarshi o'yinda Koutino ikkita golli pas berib, o'zining darajasini ko'rsatib qo'ydi. Agar Modrichning statistikasiga qaraydigan bo'lsak, uning hisobida gollar soni kam, ammo u jahon darajasidagi futbolchi bo'lib qolaveradi. Koutino o'sishda davom etsa, u ham shu darajaga etishadi" - deydi Rojers.