Koronavirus Info. O'zbekistonda koronavirus infekciyasi bilan kasallanganlar soni 1582 nafar, sog'ayganlar esa 261 nafarga etdi

2020 yil 20 aprel soat 14:30 holatiga ko'ra, O'zbekistonda koronavirus infekciyasi qayd etilganlar soni 1582 nafarni tashkil qilmoqda.

Andijon viloyat yuqumli kasalliklar shifoxonasida koronavirusga chalingan yana 2 nafar bemor butunlay sog'ayib, reabilitaciyaga kuzatildi.

Tuzalganlardan biri, 39 yoshli ayol Xo'jaobod tumanidan bo'lsa, ikkinchisi 51 yoshli ayol Andijon shahridan. Har ikki bemor ham koronavirus infekciyasiga chalingan bemorlar bilan muloqotda bo'lib, kasallikni yutirib olishgan.

Buxoroda 11 nafar bemor butunlay sog'aydi
SHifo topganlarning barchasi joriy yil 25 mart kuni charter reys bilan Rossiyadan Buxoroga olib kelingan va karantinga olingan.

Ulardan 10 nafari erkak, 1 nafari ayol. Bemorlarning 4 nafari Qashqadaryo viloyatidan, 2 nafari Farg'ona viloyatidan, Toshkent, Buxoro, Namangan, Samarqand viloyatlari hamda Toshkent shahridan esa 1 nafardan. Ular orasida eng yoshi kattasi 54 yoshda bo'lsa, eng yoshi kichigi 20 yoshda.

Poytaxtimizdagi Epidemiologiya, mikrobiologiya va yuqumli kasalliklar ilmiy-tekshirish instituti klinikasida koronavirus infekciyasiga chalingan navbatdagi 2 nafar bemor butkul sog'ayib, reabilitaciyaga kuzatildi.

Sog'ayganlardan biri 19 yoshli qiz Toshkent shahridan bo'lib, koronavirus infekciyasiga chalingan bemorlar bilan muloqot orqali kasallikni yuqtirib olgan.

Ikkinchi bemor esa Rossiyadan charter reys orqali Toshkentga olib kelingan va karantinga olingan edi.

Toshkent tibbiyot akademiyasi ko'p tarmoqli klinikasidan koronavirus infekciyasiga chalingan 21 nafar bemor sog'ayib, reabilitaciyaga kuzatildi.

Sog'ayganlarning 13 nafari charter reys orqali Turkiyadan Toshkentga kelishgan bo'lib, “Botanika” sanatoriysi hamda O'rtasaroy karantin markaziga joylashtirilgan edi.

Qolgan 8 nafari esa koronavirus infekciyasiga chalingan bemorlar bilan muloqot orqali kasallikni yuqtirib olishgan. Bemorlardan 5 nafari erkak, 16 nafari ayollardir. Ulardan 13 nafari poytaxtimizdan, 6 nafari Toshkent viloyatidan, Farg'ona va Navoiy viloyatlaridan esa 1 nafardan. Ular orasida eng yoshi kattasi 57 yoshda bo'lsa, eng yoshi kichigi 5 yoshda.

O'zbekistonda koronavirusdan to'liq tuzalganlar soni — 261 nafarga etdi.

#uydaqoling

#vahimasizkarantin