Klopp: "Saloh kuni bilan yugura olishga tayyor"

"Jamoa tarkibiga yaqindagina kelib qo'shilgan futbolchilarning tayyorgarligi yaxshi ekanligiga hech qanday ajablanganim yo'q. Saloh bizga katta yordam berayapti. Menimcha u butun bir kunda yugurishga tayyor. U maydonda o'zining harakatlari orqali bizning o'yinimizni ochib, xilma-xil o'ynashimizga imkon beradi. Bazida biz raqib himoyachilarining ustidan to'pni oshirib o'tib ketamiz. Saloh esa buni tezkor aldamchi harakatlari bilan amalga oshiradi. Bu esa bizning o'yinimizdagi asosiy element hisoblanadi.

Firmino chiziqlar orasida yaxshi ochilyapti va jarima maydonchasi ichida ishonch bilan o'ynamoqda. Bu ham biz uchun muhim. Xarri Uilson katta hajmdagi ishni amalga oshirdi va ajoyib gol kiritdi. Bu gol uning uslubida kiritilgani chiroyli bo'ldi.

"Lion"ga qarshi o'yinda ko'plab futbolchilarimiz yaxshi o'ynadi. So'nggi 30 daqiqada yigitlar anchagina tartib bilan harakat qilishdi. Yakshanba kuni "Manchester Siti"ga qarshi o'yinda kuchliroq o'ynashimiz uchun biz hozir bundan-da qattiqroq ishlashimiz kerak. Bugun men jamoamiz oldinga katta qadam tashlaganini ko'rdim", - dedi Klopp.