"Kim u Mane?" - "Ayntraxt" prezidenti
04 avg 2022 21:24
Yangiliklar

"Kim u Mane?" - "Ayntraxt" prezidenti

Frankfurtning "Ayntraxt" klubi prezidenti Peter Fisher "Bavariya"ga qarshi chempionat o'yini oldidan "Liverpul"ning sobiq futbolchisi Sadio Manega hazil qildi.

"Ayntraxt" klubi juma kuni Bundesliganing ilk turida "Bavariya" bilan to'qnash keladi. Frankfurtliklar o'tgan mavsum Evropa ligasini qo'lga kiritdi, shu sababli kelasi chorshanba kuni ular Evropa Superkubogi doirasida "Real Madrid" bilan to'qnash keladi.

O'tgan mavsumni 11-o'rinda yakunlagan klub joriy mavsum o'z oldiga katta maqsadlar qo'ygan. Jamoa prezidenti RTL va n-tv telekanallariga bergan intervyusida myunxeniklar to'purari Robert Levandovskining o'rniga olib kelingan hujumchi Sadio Manening imkoniyatlari haqidagi savolga hazilomuz javob qaytardi: "Kim u Mane?"

Eslatib o'tamiz, mazkur uchrashuv 5 avgust kuni soat 23:30 da boshlanadi.

Havola :

Manba : Talksport

Yangiliklarni Telegramda o'qing!

Reyting: +10