"Kichkina shahzoda"
03 sen 2022 00:07
Yangiliklar

"Kichkina shahzoda"

Teglar : "Navbahor"Jamshid Iskanderov

"Navbahor" O'zbekiston kubogining yarim finaliga yo'l oldi.

Navbahor

Jamshid Iskanderov - 17', Jamshid Iskanderov - 51'

O'zbekiston kubogi . 1-tur

02/09/2022, 20:00

Tugadi

Paxtakor

SHahzod Azmiddinov - 14'

45'

90'

Match-senterda ochish

"Paxtakor"ni o'z tarbiyalanuvchilari musobaqadan chiqarib yubordi, desak yolg'on bo'lmaydi. Ikkala penaltini golga aylantirgan Jamshid Iskanderov ham "sherlar" maktabini tugatgani, ana shu jamoadagi o'yinlari bilan muxlislarga tanilganini bilasiz.

Mana shu futbolchi 5 kun ichida sobiq klubiga 3 ta gol urdi. Garchi 2 tasi penaltidan keyin kiritilgan bo'lsa ham, "Paxtakor"ga nisbatan kuchli zarba bo'ldi.

Yarim himoyachi bugun shaxsiy ananasini davom etdirdi. Jamshid gol urgan qatorasiga 14-o'yinda uning jamoasi mag'lub bo'lmadi. Bunaqa voqea so'nggi bor 2019 yilning aprelida yuz bergan edi ("Al Ittihod" 3:2 "Lokomotiv").

Xorazmlik futbolchi bugun 2022 yildagi gollari sonini ettitaga etkazib qo'ydi. Bu nimani anglatishini bilasizmi?

! Hech qachon goleadorligi bilan ajralib turmagan Jamshid ayni paytda Zoran Marushich bilan birga "lochinlar"ning eng yaxshi to'purari bo'lib turibdi.

Iskanderovning hisobida 5 ta assist ham bor. Yani, u gol+pas tizimida jamoa etakchisi hisoblanadi (12).

Bu yil Jamshidning samarali harakatlari "Navbahor"ga 6 ta o'yinda g'alaba keltirgan bo'lsa, "Olimpik" va "Paxtakor"ga qarshi chempionat doirasidagi qiyin "jang"larda mag'lubiyatdan asrab qoldi. Kichik jussasiga katta masuliyatni olishdan qo'rqmaydigan "maestro" bugun Namangan ahliga 17 yillik tanaffusdan keyin yarim final chiptalarini sovg'a qildi. Tabriklaymiz!

Muallifning telegramdagi kanali → FR| futbol ANALIZI