Keyn joriy mavsum 5-marta "Bavariya"ning eng yaxshi futbolchisi deb topildi - bu rekord

Angliyalik hujumchi may oyida muxlislar ovozi bo'yicha ushbu sovrinni qo'lga kiritdi. Keyn 16% ovoz to'plab, yarim himoyachi Konrad Laymer va himoyachi Alfonso Devisni (har biri 12%) ortda qoldirdi.

May oyida Harri myunxenliklar tarkibida ikkita o'yin o'tkazdi - "SHtutgart" (1:3) va "Real Madrid" (1:2). Birinchi o'yinda u penaltini aniq amalga oshirgan bo'lsa, ikkinchisida golli uzatma berdi.

30 yoshli futbolchi bir mavsumda besh marta oyning eng yaxshi futbolchisi sovrinini qo'lga kiritib, klub rekordini o'rnatdi.