Kaxi Maxaradze Gruziya milliy terma jamoasidan chaqiruv oldi

Gruziya terma jamoasi 30 may kuni Saudiya Arabistoni terma jamoasiga qarshi Ispaniyaning Xeres shahrida o'rtoqlik uchrashuvini o'tkazadi.

Hozirda Gruziya terma jamoasi bosh murabbiyi bo'lib ishlayotgan Temuri Kecebaya "Paxtakor" sardorini aynan shu bahsga chaqirgan.

Eslatib o'tamiz, Maxaradze Gruziya yoshlar (U-20) terma jamoasida maydonga tushgan, biroq milliy terma jamoada hali umuman o'ynamagan.

Gruziya terma jamoasi EVRO-2016 saralashida Germaniya, Irlandiya, Polsha, SHotlandiya va Gibraltar terma jamoalari bilan bir guruhdan o'rin olgan. Saralash o'yinlari 7 sentyabr kuni Irlandiyaga qarshi o'yin bilan boshlanadi.