Karim Mossaui: "Jahon chempionati tort ustidagi bezakdir"

- Jahon chempionatida to'p tepish qanday zavq bag'ishlaydi?

- Jarohatimdan keyin mundialda ishtirok etaman deb hech o'ylamagandim, shuning uchun shaxsan men uchun bu juda yoqimli. Bolaligingizda tabiiy ravishda jahon chempionatida o'ynashni xohlaysiz. SHaxsiy mening bolalikdagi orzuim shunday edi. Men har doim televizor qarshisida turib, terma jamoa o'yinlari oldidan davlat madhiyasini jo'r ovozda kuylardim. Mundialda qatnashish chindan ham bolalikdan orzuim edi.

- Guruhingizda ikkita Evropa chempionatida ishtirok etgan yagona futzalchisiz. Jahon chempionati Evropa qay darajada farqlanadi?

- Ha, menimcha, jahon chempionati ko'proq orzu qilainadigan turnir sanaladi. Niderlandiya kichik futzal mamlakati hisoblanadi. Ikkita Evropa chempionatida ishtirok etish va endilikda jahon chempionatida to'p tepish - bu, albatta, yoqimli tuyg'u. Men o'zimni yaxshi his qilaman. Umuman olganda, biz turnirga tayyormiz.

- Jahon chempionati qachon siz uchun muvaffaqiyatli o'tadi?

- Nima bo'lganda ham, men shu erda ekanligimning o'zidan mamnunman, shuning o'ziyoq men uchun baxt. Albatta, imkon qadar uzoqroqqa borishni xohlayman, menimcha, buni hammaxohlaydi. Kareramni tortga qiyoslasak, jahon chempionati uning markazidagi bezakdir.

Eslatib o'tamiz, Niderlandiya terma jamoasi "A" guruhidagi ilk uchrashuvini 14 sentyabr kuni O'zbekistonga qarshi o'tkazadi.

Oqil Abdubarnoev tayyorladi.