Kamoliddin Tojiev: "Moreyra shtabida ishlashim kerak bo'lgandi"
11 may 00:44
Yangiliklar
Kamoliddin Tojiev: "Moreyra shtabida ishlashim kerak bo'lgandi"
O'yin haqida
- Bugun o'yin oldidan yigitlarga berilgan rejalarning barchasi ishladi. Hamma o'z darajasida o'ynadi. O'yindan oldin futbolchilarga, barcha terma jamoa darajasidagi futbolchilar ekanligini aytdik. Ularni shu orqali ruhiyatini ko'tarmasak, ruhiy tushkunlikdan olib chiqib bo'lmaydi. Ruhiyatni ko'tarib olsak, bu yigitlarning barchasi yuqori darajada o'yin ko'rsatadigan futbolchilar. Ular bugun o'z saviyasini namoyish qilishdi.
- Bugun futbolchilar erkin o'ynadi, xotirjamlikni namoyish qildi. Bu "Buxoro" kabi kuchsiz jamoaning fonida shunday ko'rindimi yoki Sizning o'tgan yilda jamoani qo'lingizga olganingizdan keyingi kabi futbolchilar yana kuchli o'yin ko'rsatishni boshladimi?
- "Buxoro"ni kuchsiz raqib deb bo'lmaydi. Superligada hozir kuchsiz jamoaning o'zi yo'q. Yigitlar men kelganimga zo'r o'ynadi emas, shunchaki ruhiy tomonlama ko'tarilish qilishga harakat qildik. Menimcha bu erda menmi yoki boshqa murabbiy bo'lsa ham, ular o'zlarini ko'rsatishadi.
- Moreyra davrida "Paxtakor"ga nima etishmadi?
- Ayrim o'yinlardagi mag'lubiyatlardan keyin futbolchilar bilan gaplashib ko'rdim, ular o'zlarini eyishni boshlashdi. Shu orqali o'yin ham chiqmadi. 2-3 kun ichida futbolchilar bilan gaplashib, ruhiy tomonlama ko'tarishga intildim. Tarkibdagi barcha futbolchilar termaga nomzod. Ularga o'zlaridagi ishonchni qaytarish kerak.
- Siz uzoq yildan beri "Paxtakor"dasiz. Sizga adolatsizlik qilishayotgandek tuyulmayaptimi? Yani, o'tgan yili Maksim Shackix ijodiy tatilga chiqqanida Sizning qo'l ostingizdagi jamoa yaxshi o'yin ko'rsatdi va keyinchalik Shackix yana qaytdi. Bu yil ham shunday bo'lib qolsa, adolatsizlik bo'lmaydimi? Siz futbolchilar bilan ishlaysiz, natijalarga erishasiz. Keyin esa yana vaziyatni chigallashtirishadi. Yoki rahbariyat bilan barchasini gaplashib oldingizmi?
- Men "Paxtakor"dan ketmagandim, U19 jamoa bilan ishlayotgan edim. Moreyra boshchiligidagi murabbiylar shtabida bo'lishim kerak edi, biroq ularning o'zlari meni olmaslikka qaror qilishdi. Yoshlar jamoasida ishlab turib ham murabbiylar shtabi bilan gaplashib turardim. Endi buyog'ini ko'ramiz, barchasi rahbariyatga bog'liq. Ular qaerda deyishsa, o'sha erda ishlaymiz.
- Klub xabarida Pedru Moreyra tatilga chiqdi deyildi. U istefoga chiqarildimi yoki tatilga ketdimi?
- Bu savolga klubda ishlaydiganlar javob bera oladi.
O’xshash yangiliklar
championat.asia
КЖЧ. 7-дақиқадаёқ бир киши кам бўлиб қолган "Реал" "Пачука"га 3 та гол урди
Суперлига. "Навбаҳор" Наманганда ОКМКни йирик ҳисобда мағлуб этди ва жадвалдаги очколар фарқини қисқартириб олди
Суперлига. "Пахтакор" ўз майдонида бир киши кам бўлиб қолган "Қўқон-1912"ни мағлуб этди
Суперлига. Абдухолиқовга аталган оқшомда "Динамо" жорий мавсумдаги илк мағлубиятини "Бунёдкор"дан қабул қилиб олди
Fikrlar
Рақиб жамоа бош мураббийларига сувенир улашгани демаса бошқа бирор натижа кўрсатгани йўқ.
Ал ҳилолни Тошкентда уни тактикаси эмас ёион майдон ёрдамида пахтакор енгди.
Хюстра хам, Воевски(шунақа эди шекилли фамилияси), Шацких, К. Тожиев, мана энди Морейра... Хуллас барчаси пахтакор каби нуфузли жамоани бошқариш учун обрўга эга мураббийлар мавқесида эмас.
Аслида Арвеладзени натижа кўрсатишига Алишер Усмоновни пуллари бўлди. Шундаям бу ички чемпионат доирастда бўлди. ЧЛ сида у хам дурустроқ натижа кўрсатмади.
Пахтакор каби шонли тарихга эга, Ўзбек футболида мавқеси баланд жамоа учун халқаро майдонда хизматлари билан танилган бош мураббий керак. Лекин у мураббий келгач пахтакорни бошқариш унинг учун фаолиятида пасайишдек хис қиладиган обрўли мураббий бўлиши хам хато бўлади. Айтайлик Кейруш даражасидаги мураббий бўлсин.
Ана шунда у ўз мавқе обрўсию, мураббийлик тажрибаси билан пахтакор ўйинчиларини итот қилдира олади.