Kamo Gazarov: "Falaba qozonishimiz ham mumkin edi"

O'yindan oldin Lokomotivga qarshi bahs og'ir o'tishini bilardik. CHunki Toshkent jamoasi so'nggi ikki o'yinda CHempionlar Ligasida Al Sadd va Oliy Ligada Bunyodkorni yirik hisobda mag'lub etgandi. SHu bois bu bahsda asosan qarshi hujumda raqibni jazolashga intildik. Bir qator vaziyatlar ham yaratdik, ammo golni urishga kelgan omad biz tomonda bo'lmadi. Falaba qozonishimiz ham mumkin edi. O'yin boshida Ignatiy Nesterov yakkama-yakka vaziyatda qo'pollik qilib futbolchimizni to'xtatgani uchun chetlatishi ham mumkin edi.

Umumun olganda Aziz Ibragimov va Nikolay CHipevlarda ham qarshi hujumda gol urish uchun imkoniyatlar bor edi, ammo vaziyatlarda omadimiz kelmadi. Futbolchilarimizga rahmat deyman. Minglab muxlislarimiz oldida bor kuch va imkoniyatlarini sarflab kuchli raqibga qarshi jiddiy qarshilik ko'rsatishdi. Lokomotiv esa zaxiradan tushirilgan kuchli futbolchilari evaziga g'alabani ilib ketdi. Biz esa asosan mahalliy yosh yigitlarimiz bilan ularga javob bera olmadik" - deydi "Dinamo" klubi yordamchi murabbiyi.