Kalchopoli mojarosi

Omma adolatni tiklash va aybdorlarni qattiq jazolashni talab qildi. Italiya Futbol Federaciyasi sodir bo'layotgan voqealarga ko'z yuma olmadi va tergovni boshladi. Tezda korrupciyaning barcha tafsilotlari malum bo'lib bordi. Gazetalar, TV, radio va elektron OAV yozib olingan suhbatlarning parchalarini nashr etishda davom etdi. Tergov ro'yxatiga "Yuventus" va uning rahbarlaridan tashqari, boshqa klublar, IFF va hakamlar associaciyasi vakillari jalb qilindi. Janjalning ko'lami jamoatchilik, butun futbol olamini hayratda qoldirdi. 

3 haftadan keyin "Yuventus" Italiya chempionatidagi 29-titulini qo'lga kiritdi. Keyingi kun "keksa sinora" rahbariyati istefoga chiqdi. Italiya Futbol Federaciyasi va hakamlar associaciyasi prezidentlari ham o'z postlarini tark etishga majbur bo'lishdi.

24 yil oldin bo'lgani singari Italiya terma jamoasi o'z uyida futbol mojarosi avjiga chiqqan paytda mundialga yo'l oldi va 24 yil oldingidek "Skuadra Adzurra" chempion bo'ldi. Ammo futbolchilarning xursandchiligi uzoqqa cho'zilmadi - IFFning tergovdan keyingi qarorlari elon qilindi:

"Yuventus" - quyi ligaga (Seriya B) tushib ketish, yangi mavsumni -30 ochko kamomad bilan boshlash, ECHL-06/07 dan diskvalifikaciya, 2 uy o'yinini yopiq eshiklar ortida (bo'sh stadion) o'tkazish, eng muhimi, Italiya chempionatida qo'lga kiritilgan so'nggi 2 tituldan mahrum bo'lishi kerak.

"Milan" - 05/06 yilgi mavsum uchun 44 ochkodan mahrum qilish, yangi mavsumni -15 ochko kamomad bilan boshlash, ECHL-06/07 dan diskvalifikaciya, 1 uy o'yinini yopiq eshiklar ortida (bo'sh stadion) o'tkazish.

"Fiorentina" - quyi ligaga (Seriya B) tushib ketish, yangi mavsumni -12 ochko kamomad bilan boshlash, ECHL-06/07 dan diskvalifikaciya, 2 uy o'yinini yopiq eshiklar ortida (bo'sh stadion) o'tkazish.

"Lacio" - quyi ligaga (Seriya B) tushib ketish, yangi mavsumni -7 ochko kamomad bilan boshlash, UEFA kubogidan diskvalifikaciya.

"Rejina" - yangi mavsumni -15 ochko kamomad bilan boshlash.

Barcha apellyaciyalardan so'ng qarorlar quyidagi ko'rinishga keldi:

"Yuventus" - quyi ligaga (Seriya B) tushib ketish, yangi mavsumni -9 ochko kamomad bilan boshlash, ECHL-06/07 dan diskvalifikaciya, 2 uy o'yinini yopiq eshiklar ortida (bo'sh stadion) o'tkazish, Italiya chempionatida qo'lga kiritilgan so'nggi 2 tituldan mahrum bo'lishi kerak.

"Milan" - 05/06 yilgi mavsum uchun 30 ochkodan mahrum qilish, yangi mavsumni -8 ochko kamomad bilan boshlash, bitta uy uchrashuvini yopiq eshiklar ortida o'tkazish.

"Fiorentina" - yangi mavsumni -15 ochko kamomad bilan boshlash, ECHL-06/07 dan diskvalifikaciya, 2 uy o'yinini yopiq eshiklar ortida (bo'sh stadion) o'tkazish.

"Lacio" - yangi mavsumni -3 ochko kamomad bilan boshlash, UEFA kubogidan diskvalifikaciya, 2 uy o'yinini yopiq eshiklar ortida (bo'sh stadion) o'tkazish.

"Rejina" - yangi mavsumni -11 ochko kamomad bilan boshlash va 100,000 evro miqdoridagi jarima.

Klublar va tashkilotlarning ko'plab vakillari jazolandi. Modji futboldan 5 yilga, Jiraudo - ham 5 yilga chetlatildi + 20,000 evro jarima, Leonardo Meani ("Milan") va Klaudio Lotito ("Lacio" prezidenti) 2,5 yilga, Massimo De Santis (referi) - 4 yilga futboldan chetlatildi. Andrea Delle Valle ("Fiorentina" prezidenti) - 3 yilga, Adriano Galliani ("Milan" bosh direktori bo'lish bilan birga A Seriya prezidenti) - 1 yilga (keyinroq 5 oyga qisqardi) chetlatildi... Faqatgina hakam Paolo Dondarini oqlandi.

"Yuventus" quyi ligaga tushirib yuborilishi natijasida ko'plab etakchilar jamoani tark etdi: Zambrotta va Turam "Barselona"ga, Kannavaro va Emerson "Real Madrid"ga, Vieyra va Ibragimovich "Inter"ga o'tib ketdi. Jamoa ustozi Fabio Kapello ham Turinni tark etib, Madridning "Real"iga yo'l oldi.

"Yuve" rahbariyatiga yangi odamlar keldi - Jovanni Kobolli Jili, Jan-Klod Blan... Jamoaning afsonaviy yarim himoyachisi Dide Desham murabbiy etib tayinlandi. Yangi (mutlaqo tajribasiz) murabbiy, yangi o'yinchilar (ko'pchiligi yoshlar jamoasidan olingan), mavsumni -9 ochko bilan boshlash singari noqulayliklarga qaramay, "Yuventus" yuqori divizionga qaytdi (o'z tarixida birinchi bor B Seriyani yutgani holda).

Xo'sh, yuqorida nomi tilga olingan "Kalchopoli janjali" qanday yuz berdi? Uni kim uyushtirdi? "Inter" rahbariyatining voqealarda qo'li bormidi? SHu kabi savollarga birozdan keyin chop etiladigan maqolada javob olasiz. "Championat.asia"ni kuzatishda davom eting!