Kalavaning uchi ko'rinay deb qoldi. Men popkornlar bilan tayyor turibman

O'FF futbol olamidan ikki kishini chetlashtirdi. Hakam Rustam Bobomurodovni umrbod, murabbiy Vadim Abramovni nomuayyan muddatga. Har ikki masalani ham jurnalistlar hali u joyidan, hali bu joyidan ochishga harakat qildi. Aslida, kalit ularning qo'lida emas. Ular so'rab-so'rab Makkani topishgan deb, hali u tomonga, hali bu tomonga mikrofon tutish bilan band bo'ladi. Oxiri kimdir haqiqatni ro'y-rost aytmagunicha davom etadigan jarayon bu.

Hamkasblarim SHahboz va Narzulla kecha O'FFga borib samimiy suhbat qurgan bo'lishsa-da, quruq qo'l bilan qaytishmadi. Samimiy yozilgan maqolada juda bir yaxshi hikmatlar yotibdi. O'qimaganlar bo'lsa, shu link orqali bir kirib chiqishar keyin.

O'FF vice-prezidenti Abramov faoliyati yaxshi o'rganilgani va unda bir qator masalalar borligini etirof etgan. Mana shu joyida stop tugmasini bosishning o'zi etarli. SHaffoflik degani, Abramov o'sha faoliyati davomida nimalar qilgani aniq aytilishi kerak. Kalavaning uchi aslida shu bo'lishi katta ehtimol.

CHunki Abramov faqatgina Oliy Liga klublarini boshqarmagan. U ikki yil davomida milliy terma jamoaga va qanchadir vaqt O'zbekiston olimpiya termalariga murabbiylik qilgan. Balki xato shu erda ketgandir? Yoki “Traktor”da vaqtidami? Har xolda bizga malum emas. Umid qilamanki, bilib olamiz hammasini.

Demak, O'FF to'g'ri yo'ldan ketmoqda. Rustam Bobomurodovda ham xatolar limiti to'lib ketgan, yani, tashkilot barchasini bilib, qolganlarga o'rnak bo'lsin uchun jazolagan, qoyil. Endi faqatgina jazolar qaysi xatolarning kasri ekanini bilishimiz kerak.

Navbat Vadim Abramovga. Umid qilamanki, u ishni oxirigacha olib boradi va o'zini oqlashga urinadi.