Kaio Junior: "Aziz Haydarov fantastik futbolchi"

"Bunyodkor"ni guruh bosqichiga chiqqani bilan tabriklayman. Tezkor gol bizga tasir qildi. Ammo biz bugun yomon o'ynadik deya olmayman. Ayniqsa ikkinchi bo'limda. Hisobni 2:1 qilish uchun juda qulay imkoniyatdan foydalana olmadik. Agar o'sha golni urganimizda o'yin boshqacha kechardi. Biz ikkinchi bo'limda futbolchilarni almashtirib natijani o'zgartirishga urindik", - deydi Kaio Junior.

- Balki bugun jamoaingiz jismoniy holatda yutqazgandir?

- Yo'q. Jismoniy tomonlama o'yinga tayyor edik. Jismoniy holat bo'yicha hech qanday etiroz yo'q. Ikkinchi bo'limda to'pni ko'proq nazorat qildik.

- Junino yaxshi o'ynayotgandi. Uni nima uchun almashtirdingiz?

- Junino Joning o'rniga olib kelingandi. Joni sotish mening fikrim emasdi. Klub moliyaviy qiyinchilikka duch kelgani uchun uni sotdik. 19ta o'yinda 16ta gol urgan Hozir Joning o'rnini bosa oladigan futbolchi yo'q.

- "Bunyodkor" OCHLda qaysi bosqichga qadar etib boradi deb o'ylaysiz?

- Tarkibda ko'p yoshlar bor. Ular musobaqada uzoqqa boradi deb o'ylayman.

- Raqib safda eng yaxshi futbolchilar kim?

- Yarim himoyachilarning barchasi yaxshi o'ynadi. Bundan tashqari chap qanot himoyachisi va Hamdamov yaxshi harakat qildi.

- Haydarov va Luvannor haqida qanday fikrdasiz?

- Luvannor jamoamizning asosiy o'yinchilaridan biri hisoblanadi. Aziz Haydarovga bugun hech qanday etirozim yo'q. Haydarov fantastik futbolchi. Ikkalasi ham qo'ldan kelganicha o'ynashdi.

- SHogirdlaringiz bugun asabiy o'yin ko'rsatishdi?

- Bu o'yin kechishiga bog'liq. Sababi biz yutqazayotgandik. Tabiiyki yutqazishni hech kimni xohlamaydi.

- Klubingiz safidagi mahalliy futbolchilar saviyasi legionerlardan juda past ekan...

- Bunga qo'shilmayman. Sababi tarkibda BAA terma jamoasi azolari ham bor. Yarim himoyachilar ham milliy terma jamoada o'ynashadi.

- "Bunyodkor" muxlislari haqida fikrlaringiz qanday?

- Ajoyib. Ular bugun jamoani qoyilmaqom tarzda qo'llab quvvatlashdi.

Narzulla Saydullaev