"Kaganat" murabbiyi: "Bugungi o'yinda qayd etilgan hisob biz uchun yaxshi natija"
23 sen 2022 20:24
Yangiliklar

"Kaganat" murabbiyi: "Bugungi o'yinda qayd etilgan hisob biz uchun yaxshi natija"

Farg'onaning "Neftchi" va O'sh shahrining "Kaganat" klublari o'rtasida tashkil etilgan xalqaro o'rtoqlik uchrashuvi (1:1)dan so'ng mehmonlar murabbiyi Maksim Belix o'z fikrlarini bildirib o'tdi.

"Tomoshabop o'yin bo'ldi. "Neftchi" kuchli jamoa, tarkibida tajribali va nomdor futbolchilari etarlicha. "Kaganat" jamoamizda asosan yosh futbolchilar to'p surishadi, ularning ayrimlari 18 ga ham to'lmagan. Jamoamizning o'rtacha yoshi 20-23 yoshni tashkil etadi.

"Neftchi" bilan o'rtoqlik o'yin tashkil etishdan maqsad? Albatta tajriba to'plash uchun. Yuqorida aytdim, Farg'ona klubi tarkibida kuchli futbolchilar talaygina. Biz bu kabi o'yinlarda yosh futbolchilarimizning tajribasini oshirishimiz zarur. "Neftchi" bilan tashkil etilgan o'yin bizga foydali bo'ldi deb o'ylayman. Yigitlar bugungi uchrashuvda yaxshi harakat qilishdi, yakka kurashlarda juda faol o'ynashdi. Ishlashda davom etamiz. Aytish joiz bo'lsa, bugungi o'yinda qayd etilgan hisob biz uchun yaxshi natija" - deydi "Kaganat" murabbiyi.

Havola :

Manba : championat.asia

Yangiliklarni Telegramda o'qing!

Reyting: +2