Joze Mourino qo'l ostida porlagan futbolchilar

Bugun portugaliyalik murabbiy qo'l ostida o'sishga erishgan futbolchilar haqida gaplashamiz.

Ispaniyalik Xese Rodriges aynan Mourino qo'l ostida ilk marotaba katta futbolda maydonga tusha boshlagan. Uning "Real"dagi debyuti 2011 yilga to'g'ri keladi. Mourino o'sha paytlardan boshlab yosh futbolchiga ishonch bildira boshlagandi.

Alvaro Morata Mourino ketganidan so'ng "Real" zaxira futbolchilaridan biriga aylandi va "Yuventus"ga o'tib ketdi. 2012 yilgacha u asta-sekin "qirollik klubi" asosiy tarkibida maydonga tushib kelayotgandi.

Mourinoning yana bir topilmalaridan biri - Kurt Zuma. "CHelsi"dagi faoliyati davomida "Sent Eten"dan 12 million funt evaziga harid qilingan Zuma "aristokratlar"ning asosiy tarkib futbolchisiga aylanib ulgurgandi. Afsuski, u ayni paytda jarohat olgan va bu yil katta ehtimol bilan futbol o'ynay olmaydi.

Yosh Rafael Varan Mourino qo'l ostida Pepedan asosiy tarkibdagi o'rnini olib qo'ya boshlagandi... Hozirgi kunda portugaliyalik murabbiy Varanni o'zining yangi jamoasi - MYU safida ko'rishni istamoqda.

2004 yilda Mourino "CHelsi" bosh murabbiyiga aylanganidan so'ng mashhur Karlo Kudichinining o'rniga deyarli hech kim tanimaydigan 22 yoshli Petr CHexni "aristokrat"ga aylantiradi. Natija yomon emas - faoliyatining asosiy qismini "CHelsi"da o'tkazgan CHex bugungi kunda APL rekordchilaridan biri hisoblanadi.