Jeko Turkiyadan taklif oldi

37 yoshli bosniyalik futbolchining A Seriya jamoasi bilan amaldagi shartnomasi iyun oyi oxirigacha amal qiladi.

Jeko faoliyatini Turkiyada davom ettirishi mumkin. Manbaning xabar berishicha, "Fenerbaxche" bosniyalik hujumchiga taklif bilan chiqqan. "Kanareykalar" Edinga yillik 4 million evro maosh evaziga ikki mavsumga mo'ljallangan shartnoma taklif qilgan.

2022/2023 yilgi mavsumda Edin Jeko 51 ta o'yinda 14 ta gol va 5 ta golli uzatmani o'z hisobiga yozdirib qo'ygan. 

Eslatib o'tamiz, 10 iyun, shanba kuni “Inter” CHempionlar ligasi finalida “Manchester Siti”ga qarshi maydonga tushadi.