Javohir Sohibov: "O'rtoqlik uchrashuvidagi g'alabalarni Superligada ham takrorlashga harakat qilamiz"

Qiziqarli va murosasiz kechgan uchrashuvda Baguslav Baniak shogirdlari 2:1 hisobida g'alaba qozondi. Mazkur uchrashuvdan so'ng jamoaning yarim himoyachisi Javohir Sohibov saytimizga fikrlarini bildirib o'tdi. 

"Dukentdagi yig'inda jismoniy holatimizni yaxshilash borasida ishlagan bo'lsak, Toshkentda o'rtoqlik uchrashuvlari orqali yangi murabbiyning uslubiga moslashish jarayoni ketmoqda. 

Natija bo'lmagandan so'ng baribir ruhiyatda o'zgarish bo'ladi. Bugun Xudoga shukur yutdik. Mana shunday g'alabalar orqali o'zimizga bo'lgan ishonchni oshiramiz. O'ylaymanki, hammasi yaxshi bo'ladi. Superligada ham o'yinimiz yomon chiqmayapti. Faqat qaerdadir omadimiz kelmayapti. 

To'g'ri, o'rtoqlik uchrashuvlarida natija o'xshamoqda. Nasib qilsa o'rtoqlik o'yinidagi g'alabalarni Superligada davom ettirishga harakat qilamiz. Bunga ishonaman", - deydi Javohir Sohibov.

Abdulaziz Iskandarov yozib oldi