Javlon Guseynov: “Vaziyatlardan unumli foydalana bilmaslik qimmatga tushmoqda”

Mazkur uchrashuvda mezbonlar safida mazmunli o'yin namoyish etgan himoyachilardan biri bu – Javlon Guseynovdir. Jaroxatlardan forig' bo'lib asta-sekin avvalgi sport formasiga kirib borayotgan futbolchi o'yin to'g'risida o'z fikrlarini bildirib o'tdi.

- Nima deyish mumkin? O'yin qiyin bo'lishini barcha birdek his etib turgandi. Amalda shunday ham bo'ldi. O'zingizga yaxshi malumki, bizga ayni damda har bir qo'lga kiritilgan ochko suv va havodek zarur. SHu bois “Nasaf”ga qarshi bahsda ham imkon qadar ochko jamg'arishga xarakat qildik.

- Nazarimda durang o'yinga mos bo'ldi. Raqibda ham bizda ham gol urish uchun imkoniyat bo'lgandi. Murosasiz kechgan o'yin muxlislarga ham yoqdi deb o'ylayman.

- Bir nechta o'yinlardan buyon vaziyatlardan unumli foydalana olmayapmiz. Bu esa bizga qimmatga tushmoqda.Nasib qilsa keyingi bellashuvlarda omad biz tomonda bo'ladigan degan umiddaman.

“Andijon” matbuot xizmati.