Jasur Abduraimov Yaxshiboevning oxirgi o'yinlariga munosabati, karantindan so'ng tiklanish, tig'iz taqvim hususida
21 apr 2020 10:14
Yangiliklar
![](https://championat.asia/upload/storage/561141_original.jpg)
![](/upload/storage/561141_220.jpg)
Jasur Abduraimov Yaxshiboevning oxirgi o'yinlariga munosabati, karantindan so'ng tiklanish, tig'iz taqvim hususida
“Jasur Yaxshiboev iqtidorli va poteciali yuqori futbolchi. Belarus chempionatidagi debyutini ajoyib boshladi va mavsum startida o'z darajasini ko'rsata oldi. SHunchaki, u hozirda jismoniy holatini yanada yaxshilash ustida ko'proq ishlashi kerak. Barqarorlikni taminlashi lozim. Ustun jihatini hamma bilsa kerak. Oldidagi raqiblarini birin ketin aldab o'ti ketadi. Kuchli zarbasi ham bor. O'yinni o'z qo'liga olishni biladi. Kerakli pallada tavakkalga ham qo'l uradi. Xuddi Jaloliddin Masharipov singari. Ko'p narsa murabbiyga ham bog'liq. Bunday futbolchilarga erkin o'ynash imkoniyatini bersa ko'p narsaga qodirligini isbotlaydi. Hali o'zini ko'rsatishiga ishonchim komil.
Belarus chempionatini kuzata turib individual futbolchilar yo'qligini ko'rayapman. “Energetik-BGU” jamoasi bosh murabbiyi Jasurni hujumchi sifatida o'ynatmoqda. Aslida u 16 yoshgacha markaziy hujumda harakat qilgan. Oxirgi uchrashuvda birinchi bo'limdan so'ng almashtirildi. Nega? Bunday driblingi kuchli futbolchilar ayrim vaziyatlarda to'pni ko'p yo'qotadi. To'rt, besh marta bu takrorlanishi mumkin. Lekin, baribir gol urishni uddasidan chiqadi. Jahon futbolida ham ko'rsangiz individual tomondan kuchli futbolchilar natija keltiradi. Boisi, yuqorida aytganimdek ular o'yinni o'z qo'liga olishdan cho'chishmaydi.
Karantindan so'ng kamida ikki hafta tiklanish jarayoniga ketishi aniq. Mening fikrim shunday. Superliga boshlanguniga qadar ozgina bo'lsada tayyorgarlik ko'rib olish zarur.
Jamoamizga oson bo'lmasligi aniq. Avgust oylariga kelib OCHL bahslari boshlanishi mumkin. Taxminan to'rt yoki beshta uchrashuvdan so'ng yana bari iziga tushib ketadi. Boshida ozgina chidasak, bir tempga tushib olamiz. O'yinni tushunib yo'lga qo'yib olish birinchi darajadagi masala hisoblanadi”,- dedi Abduraimov.
O’xshash yangiliklar
![AMP Logo](https://championat.asia/image/logo-amp.png)
Fikrlar