Jasur Abduraimov: "70 daqiqa yaxshi o'ynadik..."

"O'yin borasida nima deyishim mumkin. Bugungi uchrashuvda shogirdlarim 70 daqiqa yaxshi o'ynashdi. Standart vaziyatdan kiritilgan goldan so'ng, hammasi o'zgarib ketdi. Avval ham aytganman, jamoamiz tarkibida muammo bor. Ahmedov to'rtta sariq kartochka sabab, Oroxovac va Andreev jarohat sabab maydonga tusha olmadi. SHu sababli yoshlarni maydonga tushirib tavakkalga qo'l uryapmiz. Yoshlardan kim tayyor bo'lsa o'zini ko'rsatyapti, bazilarida tajriba etishmayapti. Biz hozir holatimizda bor imkoniyatimizni ishga solyapmiz. Sergeev borasida nima deyishim mumkin. Hujumchi birinchi navbatda gol urishi kerak. Uning o'yini chiqmagan holatlarda kimni maydonga tushirishni bilmaysan. Zaxirada uning o'rnini bosadigan futbolchi yo'q. Hujumchilar etishmasligi sabab, Sergeev xizmatidan foydalanishga majburmiz", - deydi Jasur Abduraimov.