So’nggi yangiliklar

22:24Ҳусайн Норчаев: "Совринни ота-онамга бағишлайман"  0 21:55Иско финал олдидан қандай фикрда?  0 21:38"Насаф" - 2025 йилги Ўзбекистон Суперкубоги соҳиби!  208 20:51Симоне Инзаги "Олтин тўп"ни ким олиши кераклигини айтди  7 20:29"Барселона" Шенсни бўйича қарор қабул қилди  2 19:52Хаби Алонсонинг "Реал" бош мураббийи этиб тайинланганидан кейинги илк фикрлари  2 19:25"Милан" янги спорт директорини тайинлади. Жамоани қайта тиклаш учун ким жавобгар бўлади?  7 19:02Дониёр Саидов: "Тажрибали мураббийларнинг тактик курашига гувоҳ бўламиз"  0 18:49Ўзбекистон Суперкубоги. "Насаф" – "Андижон". Таркиблар маълум  14 18:37"Насаф"нинг Суперкубок баҳси учун "Бунёдкор"га етиб келишидан суратлар  1 18:28"Андижон"нинг Суперкубок учрашуви учун стадионга етиб келишидан суратлар  9 18:16Асрор Алиқулов: "Биринчи бўлимда бизга иккинчи бўлимдаги каби шижоат етишмади"  0 18:00БАА - Ўзбекистон учрашувини катта экранда томоша қилишни истаганлар диққатига!   12 17:54Ўзбекистон Суперкубоги-2025. "Бунёдкор" стадиони учрашувга шай ҳолатда  2 17:20Саудия Арабистонида спиртли ичимликлар: 2034 йилги ЖЧда сайёҳлар учун истисно бўлиши мумкин  10

Janni Infantino Toshkentga keladi va O'FAning yangi binosiga ilk g'ishtni qo'yib beradi Yangiliklar

Janni Infantino Toshkentga keladi va O'FAning yangi binosiga ilk g'ishtni qo'yib beradi

Futbol bo'yicha jahon chempionati starti oldidan, bugun Rossiya poytaxtidagi "Kempinski otel" mehmonxonasida Osiyo futbol Konfederaciyasining umumiy yig'ilishi bo'lib o'tdi.

Unda FIFA Prezidenti Janni Infantino ham ishtirok etdi.

Xabaringiz bor, bu yilgi Mundialda qitamiz sharafini beshta terma jamoa - Eron, Yaponiya, Saudiya Arabistoni, Janubiy Koreya va Avstraliya termalari himoya qilishadi. Bugungi yig'ilishda FIFA Prezidenti Janni Infantino, qolaversa Osiyo futbol Konfederaciyasi rahbari SHayx Salmon bin Ibrohim Al Halifa jahon chempionatida ishtirok etuvchi Osiyo terma jamoalari va hakamlarga omad tiladi.

Jumladan, Janni Infantino yig'ilish davomida shunday dedi: "Osiyoda futbol jadallik bilan rivojlanib boryapti. Umid qilamanki, bu yilgi musobaqada Osiyo terma jamoalari ham o'zlarini har tomonlama ko'rsata olishadi. Qolaversa, ayni paytda Osiyoda hakamlik sohasi ham ancha rivojlangan. So'nggi yillarda ushbu qitadan bir qator kuchli referilar etishib chiqdi. Jahon chempionatining final bosqichida eng ko'p o'yin o'tkazish bo'yicha rekordchi ham bugungi kunda aynan Osiyolik hakam Ravshan Ermatov bo'lib turgani ham fikrimga isbot bo'la oladi".

Eslatib o'tamiz, jahon chempionatida Osiyoning besh karra eng yaxshi hakami, hamyurtimiz Ravshan Ermatov boshchiligidagi brigada ham ishtirok etadi. SHuningdek, o'zbek futboli tarixida ilk marotaba Alim Arifov jahon chempionatida komissar vazifasini bajaradi.

Yig'ilishdan so'ng MOQ Prezidenti va O'FA birinchi vice-prezidenti Umid Ahmadjonov Janni Infantino bilan uchrashdi. MOQ rahbari mamlakatimizda sport sohasida olib borilayotgan islohotlar haqida FIFA Prezidentiga so'zlab berdi. O'z navbatida, jahondagi eng qudratli sport tashkilotlaridan birining rahbari Infantino ham o'zbek sportida ro'y berayotgan o'zgarishlarni yuqori baholadi va yaqin orada shaxsan o'zi Toshkentga tashrif buyurishini va o'zgarishlarni bevosita kuzatishini takidlab o'tdi.

Rejaga ko'ra, shu yilning o'zida "Milliy" stadion (sobiq "Bunyodkor") hududida O'zbekiston futbol associaciyasi uchun yangi bino qurilish ishlari boshlab yuboriladi. Binoga birinchi g'ishtni aynan FIFA prezidenti Janni Infantino qo'yib berishi kutilmoqda. Demak, shu yil yakuniga qadar FIFA rahbari Toshkentga tashrif buyuradi.

Eslatib o'tamiz, jahon chempionati 14 iyun kuni Moskvadagi "Lujniki" stadionida boshlanadi. Rossiya hamda Saudiya Arabistoni terma jamoalari o'rtasida bo'lib o'tadigan ochilish uchrashuvini MOQ Prezidenti va O'FA birinchi-vice prezidenti Umid Ahmadjonov ham bevosita stadiondan kuzatib boradi.

Reyting: +28   

Fikrlar

championat.asia
< so’nggi yangiliklarni ko’rish
Яндекс.Метрика