Jamshid Saidov: “Sen urmasang, senga urishadi”

- Bugungi uchrashuv uchun shogirdlarimga rahmat aytmoqchiman. Ular qo'llaridan kelganicha harakat qilishdi. CHiroyli o'yin ko'rsatib, muxlislarga xursandchilik ulashmoqchi edik. Afsuski, kuchli raqib bunga yo'l qo'ymadi. Lekin bugun omadimiz chopmadi. Yaxshi o'ynadik. Ko'plab golli vaziyatlar yaratdik. Lekin foydalanishga kelganda oqsadiq. Futbolda “sen urmasang senga urishadi” degan naql bor. Bu ibora bugun o'z isbotini topdi. O'tkazib yuborilgan gollarda Korneychukni aybdor, deb o'ylamayman. Yutqazdikmi, demak hamma aybdor. “Bunyodkor”ni g'alaba bilan tabriklayman. “Buxoro” jamoasi ikkinchi davra oldidan 85 foizga yangilandi. Bazi futbolchilar uchrashuv arafasida jamoamiz safiga qo'shilishdi. Tayyorgarlik uchun etarli vaqt bo'lgani yo'q. Bu ham o'z tasirini ko'rsatdi. Lekin keyingi uchrashuvlarda yanada kuchliroq bo'lamiz va o'zimizga kerakli ochkolarni qo'lga kiritamiz, deb o'ylayman. Muxlislarimizga alohida minnatdorchilik bildiraman. Ular bizga ishonishda davom etishsa, o'ylaymanki g'alabalar bilan ishqibozlarni xursand qila olamiz, - deydi Jamshid Saidov.