Jaloliddin Sodiqov: Stadion tashqarisida muxlislar qo'llab-quvvatlaganini sezib turdik

Futbolchimiz Jaloliddin Sodiqov ham «Championat.asia»ga intervyu berdi.

— O'yin haqida fikringiz…

— Uchrashuv juda zo'r bo'ldi. Yarim finalni yutdik, chempionlikka bir qadam qoldi. 

— Mazkur o'yindan avval qo'rquv yo'qmidi.

— Yo'q. Biz o'z kuchimizga ishongan holda maydonga tushdik. O'z o'yinimizni ko'rsatib, g'alaba qozondik.

— Maydon tashqarisida minglab muxlislar yig'ildi…

— Ha buni o'yin payti sezib turdik. Ular hamisha bizga kuch bag'ishlagan. Doim ular uchun, xalqimiz uchun maydonga tushamiz. 

— Finalda Saudiya Arabistonidan nima kutyapsizlar?

— Ular ham yaxshi jamoa, kuchli futbolchilari bor. O'z o'yinimizni ko'rsatib, nasib qilsa g'alabaga erishamiz.