Jaloliddin Masharipov jamoasida bosh murabbiy o'zgardi
02 okt 2021 21:00
Yangiliklar

Jaloliddin Masharipov jamoasida bosh murabbiy o'zgardi

Teglar : "Al Nassr"Jaloliddin Masharipov Saudiya Arabistoni Pedro Emmanuel

Hamyurtimiz Jaloliddin Masharipov Saudiya Arabistonining "Al Nassr" klubida to'p tepayotganidan xabaringiz bor.

Qizig'i shundaki, "Al Nassr" Osiyo chempionlar ligasida chorak finalga chiqqan, Saudiya Arabistoni chempionatida esa uchinchi o'rinda borayotgan bo'lishiga qaramay, klub rahbariyati bosh murabbiyni o'zgartirdi.

Jamoani shu paytgacha boshqarib kelgan braziliyalik Mano Menzes o'rnini portugaliyalik Pedro Emmanuel egalladi. SHunday qilib Pedro Emmanuel ikkinchi bor Saudiya Arabistoniga qaytdi. U birinchi marta 2018 yil "Al Taavon"ni boshqarib, 2019 yil Qirol Kubogida zafar quchgandi.

Eslatib o'tamiz, "Al Nassr" 16 oktyabr kuni OCHL chorak finalida BAAning "Al Vahda" klubiga qarshi bahs olib boradi. "Al Nassr" Saudiya chempionatida oxirgi 5ta o'yindan to'rttasida zafar quchdi. SHunga qaramay, bosh murabbiy ishdan ketdi.