Jaloliddin Masharipov: "Avstraliyadan alamimizni olmoqchimiz"
18 jan 2019 22:56
Yangiliklar
![](https://championat.asia/upload/storage/473084_original.jpg)
![](/upload/storage/473084_220.jpg)
Jaloliddin Masharipov: "Avstraliyadan alamimizni olmoqchimiz"
Futbolchilarimiz Avstraliyaga qarshi o'yinga jiddiy tayyorgarlik ko'rishmoqda. Mashg'ulotlar yakuniga etgandan keyin terma jamoamiz yarim himoyachisi Jaloliddin Masharipov Avstraliyaga qarshi o'yin oldidan O'FA Matbuot xizmatiga o'z fikrlarini bildirib o'tdi.
"Yaponiyadan uchralgan mag'lubiyat bizga qo'shimcha motivaciya bo'lib xizmat qiladi. Odatda, jamoa mag'lubiyatga uchrasa, ko'pchilikda tushkunlik kayfiyati bo'lishi mumkin. Lekin bizda Yaponiyaga qarshi o'yindan keyin ishtiyoq katta. Biz yaponlarga qarshi munosib kurashdik. CHiroyli va mazmunli o'yin namoyish qildik. Avstraliya bilan ham mana shunday kurashamiz. Oxirigacha. Faqat g'alaba uchun maydonga tushamiz. Raqibdan qo'rqish, cho'chish umuman yo'q. Yaponiyaga qarshi o'yinda qanday o'ynay olishimizni ko'rsatdik. Avstraliyaga qarshi bundan ham kuchliroq o'yin namoyish qilamiz.
Avstraliya terma jamoasi azolari ko'proq yuqoridan to'p uzatmalarini amalga oshirib, bosh bilan o'ynashni maqul ko'radi. SHundan kelib chiqib, ularga qarshi o'yinda to'pni erda saqlashga, ko'proq qisqa paslar bilan raqib himoyasini yorib o'tishga harakat qilamiz. Qatardagi Osiyo Kubogida Avstraliya bizni 6:0ga mag'lubiyatga uchratgan. Nimchorak final bahsida ana o'sha mag'lubiyat uchun alamimizni olmoqchimiz. Xudo xohlasa, g'alaba biz tomonda bo'ladi", - deydi Masharipov.
O’xshash yangiliklar
![AMP Logo](https://championat.asia/image/logo-amp.png)
Fikrlar