Jahongir Mehmonov: "Jarohat deyarli ortda qoldi"

Biz "So'g'diyona"ga qarshi o'yindan so'ng himoyachidan kichik intervyu oldik.

"O'tgan yil ikkinchi davrada Farg'onadagi o'yinda jarohat olgandim. Boshida jarohat jiddiy deb o'ylamadim va ikkita o'yinda maydonga tushdim. Dekabr oyida operaciya qilindim. Toshkentdagi yig'in davomida individual tarzda mashg'ulotlar o'tkazdim. Farg'ona Hokimi kubogida maydonga qaytishga umid qilaman".

"Andrey Fyodorov bejizga UEFAning PRO licenziyasini olmaganini ko'rsatmoqda. Evropani ko'rib kelgan murabbiyning qarashlari boshqa bo'lishi tabiiy. Mashg'ulotlarda barcha tinmay mehnat qilmoqda".

"To'g'ri jamoaga bir qator yangi futbolchilar qo'shilishdi. Jamoada raqobat bo'lgani yaxshi. Men uchun muhimi kim maydonga tushishi emas, "Neftchi" g'alaba qozonishi. Kimni maydonga tushirishni murabbiylar hal qilishadi".

"O'tgan yil Osiyo chempionlar ligasi yo'llanmasiga ega chiqishga yaqin kelgadik. 2016 yilda maqsadimiz kamida kuchli to'rtlikka kirish", - deydi Jahongir Mehmonov.