Jahongir Mehmonov: “Jamoaning g'alabasini barcha xohlashi kerak”

Ushbu turda Farg'onanig “Neftchi” klubi o'z uyida Buxoroning “Buxoro” jamoasini qabul qiladi. Ushbu bahs oldidan “Neftchi” klubi futbolchisi Jahongir Mehmonov o'z fikrlarini bildirdi.

“Har bir uchrashuvga jiddiy tayyorgarlik ko'ramiz. Lekin avvalgi turdagi mag'lubiyat juda ham alamli bo'ldi. SHuning uchun ham bugungi bahsda g'alaba qozonishimiz kerak. Tarkibimizda yo'qotishlar yo'q. Barcha futbolchilar uchrashuvga tayyor. Biz o'zimizni raqib jamoadan kuchsizmiz, deb hisoblamaymiz.

To'g'ri, “Buxoro” bundan avvalgi turda o'z uyida “Lokomotiv”ni mag'lub etgandi. Ular ushbu g'alabadan so'ng ruhan yaxshi tayyorlanib olishdi. Bizning bu yilgi natijamiz o'zimizga mos emas. Buning uchun muxlislardan uzr so'rayman. O'tgan yilgi mavqeyimizni qaytarishga harakat qilamiz. Faqat futbolchi emas jamoaning g'alabasini barcha xohlashi kerak. Nasib qilsa bugun “Buxoro” jamoasini mag'lub etamiz”, - deydi “Neftchi” futbolchisi Jahongir Mehmonov


Jahongir Sotvoldiev.