Ixtiyor Karimov: “SHo'rtan”da ichki muhit ajoyib"
17 avg 2015 16:54
Yangiliklar
Ixtiyor Karimov: “SHo'rtan”da ichki muhit ajoyib"
Bundan “oq bo'rilar” ishqibozlari ham jonlanib qolishdi. SHundan “Bunyodkor”ga qarshi o'yinda stadionga muxlislar tashrifi ko'paydi.
Bu o'yinda “Qaldirg'och”larga ham ochko juda zarur edi. Lekin buning uchun “SHo'rtan”ni taslim etishlari talab etilardi. Biroq o'z maydonlarida har qanday raqibni qiyin ahvolga solib qo'yadigan g'uzorliklarga “Bunyodkor” etarlicha tashvish tug'dira oldi. Umuman olganda, o'yin ikki jamoa uchun ham oson kechgani yo'q. Jamoalar jangavor durangga rozi bo'lishdi. Uchrashuv yakunidan keyin “SHurtan” jamoasi boshlig'i Ixtiyor Karimov bilan qisqacha suhbat qurdik.
– “SHo'rtan”da ichki muhit qanday?
– Ko'rib turganingizdek, ajoyib, ko'z tegmasin, futbolchilar bir oiladek, inoq.
– Ikkinchi davrada golkiper Temur Jo'raev jamoani nega tark etdi?
– Jo'raevning sog'lig'i yuzasidan muammosi bor edi va oilaviy sharoitlari inobatga olinib, o'zaro kelishilgan holda o'zaro tuzilgan shartnomani bekor qildik.
– Qarshilik hujumchi Botir Qodirqulov jarohatdan butunlay forig' bo'ldimi?
– Botirning oyog'ida jiddiy jarohati bor edi, afsuski birinchi qilingan jarrohlik amaliyoti samarali chiqmadi yaqinda yana Qarshida qayta jarrohlik stoliga yotqizildi.
– Jamol Otaqulov yana “SHo'rtan”ga qaytdimi?
– Birinchi davra yakunlangandan so'ng Otaqulovni ijaraga qo'ygandik , boshqa klublardan taklif bo'lmaganligi uchun, ikkinchi davradan yana klub ixtiyoriga qaytdi. Rahbariyat futbolchiga imkoniyat eshigini ochib berdi, ayni paytda Otaqulov davolanishda. O'ylaymanki iqtidorli himoyachi asosiy tarkibda o'ynab, oldingi barqaror o'yinlarini namoyish etadi.
Faxriddin CHORIEV suhbatlashdi.
Fikrlar