Ixtiyor Karimov: "Real" ham qarshi hujum taktikasi bilan "Bavariya"ni engdi"

"Avvalo bugungi bahsda bizni qo'llab turgan qashqadaryolik va qo'shni surxondaryolik muxlislarga katta rahmat aytmoqchiman. Bizga qarshi bir necha karra O'zbekiston chempioni bo'lgan klub o'ynadi. Ularga qarshi o'yinning oxirigacha himoyada xatosiz o'ynashga harakat qildik va buning uddasidan chiqdik.

Zaxiradan maydonga tushgan futbolchilarga o'yin tempini oshirish vazifasini qo'ygandim.

Ketma-ket ikkita o'yinni O'zbekistoning nomdor klublariga qarshi maydonga tushdik. "Lokomotiv" va "Paxtakor"ni qarshi hujumlar evaziga mag'lub eta oldik. Ko'rgan bo'lsangiz "Bavariya" - "Real Madrid" uchrashuvida mehmonlar himoyada mustahkam o'ynashdi va qarshi hujumdan unumli foydalanishdi", - deydi Ixtiyor Karimov.

"SHo'rtan" matbuot xizmati