Ixtiyor Karimov: "G'ulom Rahmonov bizning "sehrli tayoqchamiz"

"O'yin qiziq bo'ldi. Bugungi uchrashuv taqdirini bitta gol hal qilishi kerak edi, shunday ham bo'ldi. Raqib jamoalari bizning hujumchilarni o'rganib chiqishadi, hujumchilarimiz esa o'z navbatida himoyachilarni o'rganishadi. O'yinda kim ko'proq xato qilsa o'sha yutqazadi.  

G'ulom Rahmonov nega hamon zaxirada qolmoqda? Uni "sehrli tayoqcha" sifatida foydalanayapmiz.

Kenja To'raev birinchi davrada jarohatlar tufayli bizning jamoada o'ynab keta olmadi. Ikkinchi davrada "Mashal"ga borib qo'shilgach o'zining eng yaxshi o'yinlarini ko'rsatmoqda.

Terma jamoa o'yinlari tufayli oliy ligada 14 kun tanaffus yuzaga keladi. Bu vaqt ichida biz bitta nazorat uchrashuvi o'tkazishga harakat qilamiz. SHu orqali "Andijon" bilan bahsga tayyorgarlik ko'ramiz", - deydi Ixtiyor Karimov.

"SHo'rtan" matbuot xizmati