Ivan Yosovich: “Mavsumni yuqori o'rinlarda yakunlashimizga ishonaman. Muxlislarsiz qaerda o'ynashimizni farqi yo'q”

Biz bu borada va bo'lajak o'yinlar haqida jamoaning serbiyalik futbolchi Ivan Yosovichning fikrlari bilan qiziqdik.

“Birinchi davrani juda yaxshi o'tkazdik. Natija ham yomon bo'lmadi. Ikkinchi davrani esa aksincha yomon boshladik, o'yin jihatdan mag'lub bo'lmagan bo'lishimiz mumkin. Lekin, futbolda natija muhim ahamiyat kasb etadi. “Buxoro” bilan o'yinda ohirgi daqiqalarda gol o'tkazib alamli durang qayd etdik. Bu futboldan bo'lib turadigan holat hisoblanadi. Jamoamizda ajoyib va o'z ishining ustalari faoliyat yuritadi. Biz bu holatdan chiqib ketishimizga ishonaman. Oldinda o'yinlar ko'p, kerakli ochkolarni yig'a olamiz. Jamoamiz ahil va inoq, keyingi o'yinlarda ijobiy natija qayd etish uchun harakat qilamiz. Bo'lajak raqibimiz “Bunyodkor” yomon jamoa emas, o'ziga yarasha kuchli tomonlari bor.

“Sug'diyona” bilan o'yinda tezkor gol o'tkazib yubordik. SHundan so'ng o'yin nazoratini qo'lga oldik, to'pni nazorat qildik. Raqib birinchi bo'limda ikkita vaziyat yaratdi va shuncha gol urdi. Bu esa ularga ruhiy tomondan ustunlik berishi tayin edi. Ikkinchi bo'limda “Sug'diyona” jamoasi qanday shedevr gol urganini ko'rdingiz. Qizil kartochka ham zararimizga ishladi.

Ishonamanki, navbatdagi uchrashuvlarda hammasi yaxshi bo'ladi. Omad ham bizga kulib boqishiga umid qilib qolaman. Jamoadagi futbolchilarning ruhiy holati yaxshi, kayfiyat alo darajada. Biz oldindagi o'yinlarda o'z darajamizni ko'rsatishimiz kerak.

O'zbekistondagi debyut mavsumim haqida, har bir o'yinda murosasiz kurash kechmoqda, ochko uchun har bir jamoa harakat qilmoqda. Men va jamoam uchun ham mavsum yaxshi o'tyapti. Yo'qotilgan ochkolarni hisobga olmasa albatta. Qo'qon jamoasini yuqori o'rinlarga ko'tarilishi uchun yoram berish bosh maqsadim hisoblanadi. O'zimning yaxshi o'yinlarim bilan barchada ijobiy taassurot qoldirmoqchiman.

Karantin tufayli hali O'zbekiston bilan to'liq tanishib chiqmadim. Faqat jamoamiz bilan o'yinlarga borganda biroz shaharni tomosha qildim. Toshkent ajoyib va chiroyli shahar ekan. Samarqand va Buxoro haqida hakm xuddi shunday fikrdaman.

“Qo'qon-1912” 2-6 o'rinlar uchun kurash olib boradi. Agarda shu o'rinlardan birini egallasak mavsumni yuqori notada o'tkazgan bo'lamiz.

Muxlislarsiz o'ynayotganimiz achinarli albatta. Ammo, vaziyat shunaqa. Ular bizning 12-o'yinchimiz hisoblanadi. Pandemiya sharoitida o'ynashga hamma ko'nikib bormoqda. Boshqa ilojimiz ham yo'q. Muxlislarsiz qatta o'ynashimizni farqi yo'q. SHaxsan o'zimga Toshkentda o'ynash yoqdi. Neytral maydonda ikki jamoada ham imkoniyat bir xil bo'ladi”,- deydi Yosovich.

Abdulaziz Iskandarov yozib oldi.