Ivan Boshkovich: "Shogirdlarimga hech qanday etiroz yo'q, "Buxoro"ni finalga chiqqani bilan tabriklayman"

- O'yin haqida fikringiz?

- Avvalo "Buxoro" jamoasini Kubok finaliga chiqqani bilan tabriklayman. Ular birinchi bor finalda ishtirok etishadi va omad tilayman. O'yin haqida nima deyishim mumkin, juda qiziq bahs guvohi bo'ldik. Ikkita gol o'tkazib qiyin vaziyatga tushib qoldik, keyin esa ikki bor to'p kiritib muvozanatni tikladik.

Biz raqibning kuchli tomonlarini bilardik. "Buxoro" standart vaziyatlarda va to'pni uzoqqa uzatishlarda yaxshi o'yin ko'rsatadi. Tanaffusda kerakli ko'rsatmalarni berdik, futbolchilarga qo'lni tushirmaslikni aytdik. Maydonga chiqqach o'z vaziyatimizni kutdik, gol urishimizni bilardik.

Ekstra taymlarda ham bor kuchni berdik. "Buxoro" ham yaxshi o'yin ko'rsatdi, jarima maydonimiz ichida va atrofida ko'p marta bosim o'tkazdi. Raqib safida yosh yigit uzoqdan juda chiroyli gol urdi. U to'pga zarba berishni ustalik bilan amalga oshirdi.

Shogirdlarimga hech qanday etiroz yo'q, bugun hamma borini berib harakat qildi. Xarakter ko'rsata oldik. Sifatli o'yin namoyish etdik deb o'ylayman. Kubok bahsi yarim finalga xos tarzda kechdi. Oldinga harakat qilishda davom etamiz. Ruhiy zarbani qabul qilib olgan bo'lishimiz mumkin, lekin bu bilan to'xtab qolmaymiz. Jamoamiz kuchli futbolchilardan iborat.

- "Buxoro" birinchi bo'limda tezkor ikkita gol urdi. Bu sizning rejalaringizga tasir qildimi?

- Biz raqib taklif etadigan har qanday o'yinga tayyor edik. Albatta, oson bo'lmasligini bilardik. Raqib o'z maydonida, o'z muxlislari qarshisida to'p tepdi. Bu ham ustunlik berdi. Biz ham harakat qildik, lekin raqib imkon bermadi. To'g'risi, penaltilar seriyasi bo'lishini kutdim, biroq uzoqdan yo'llangan zarba golga aylandi va shu bilan hammasi tugadi.

- Doriev to'purarlar ro'yxatida ikkinchi o'rinda boryapti. Ammo bugun uning omadi kelmadi.

- Agar assistlari bilan qo'shib hisoblasak, Doriev birinchi o'rinda ketyapti. Bilasizmi, har o'yinda bir xil harakat qilishning imkoni yo'q. Doriev yaxshi futbolchi, lekin raqiblar ham unga qarshi o'ynashadi. Bazi hollarda uni yopib qo'yishadi. Doriev gol urmagani uchun yutqazdik degan fikrdan yiroqman. Futbolda har qanday holat uchrab turadi. Men hamma futbolchilarimga rahmat aytaman. Bugun jamoamiz yomon harakat qilmadi, faqat aytib o'tganimdek uzoqdan kiritilgan gol o'yinga nuqta qo'ydi. Afsuslanish kerak emas, chunki yaxshi o'yin ko'rsatdik. Bugun bemalol uxlasak bo'ladi.