Italiya. 18-tur. "Napoli" – "Sampdoriya" 2:0

Uchrashuvning 30-daqiqasida Dris Mertensning 20 metrlardan yo'llagan zarbasidan so'ng darvozabon to'pni qaytardi. Keyingi daqiqada Iguain jarima maydoni ichiga kirib borib darvozaga zarba berdi, to'p darvozaning uzoq ustuni yonidan o'tib ketdi. 33-daqiqada Inler ham darvozaga zarba berib ko'rdi, to'p darvoza to'sini ustidan o'tib ketdi. Birinchi bo'lim oxirida mezbonlarning ikki nafar futbolchisi sariq kartochka ishlab olishdi. Dastlabki 45 daqiqalikda hisob ochilgani yo'q.

Ikkinchi bo'lim davom etmoqda. 53-daqiqada hisob ochildi. Iguainning o'ng tomondan oshirib bergan to'pini Dirs Mertens darvozaga yo'lladi - 1:0.

59-daqiqada Gabbyadini tomonidan yo'llangan zarbadan so'ng to'p darvoza to'siniga tegib maydonga qaytdi. 62-daqiqada chamasi 25 metrlardan belgilangan jarima to'pini Mertens aniq amalga oshirdi - 2:0. Uchrashuv mana shu hisobda yakunlandi.

Italiya chempionati

Napoli – Sampdoriya 2:0
6 yanvar, 16.30, San-Paolo
Gollar: 1:0 - 53 Mertens (Iguain). 2:0 - 62 Mertens.
Napoli – Kabral, Reveyer (Armero, 49), Albiol, Fernandes, Madjo, Jemaili, Kalexon, Inler, Mertens, Insine, Iguain (Sapata, 77).
Sampdoriya – da Kosta, Redjini (Kosta, 72), Mustafi, Gastaldello, de Silvestri, Obiang, Krstichich  (Pocci, 77), Soriano (Sansone, 66), Palombo, Eder, Gabbyadini.
Ogohlantirishlar: Obiang (35), Redjini (42), Iguain (44), Mertens (45), Mustafi (61), Sapata (81).